شاعر الأندلس الرائع/ناصر القحطاني في قصيدة تعانق الغيم نشرت في مجلة (فواصل) العدد125 نعيدها لكم في روعتها وجمالها:


[poet font="Simplified Arabic,5,black,normal,normal" bkcolor="transparent" bkimage="backgrounds/23.gif" border="none,4,gray" type=2 line=200% align=center use=ex length=0 char="" num="0,black" filter=""]
يستر الي بين الحقد الدفين الغابي= واعتق أقنعة الوجيه اللي تقاربناها
أول المكروه سلبي وآخرته إيجابي=خير الأرض القبله وخير الدروس أقساها
يوم وصلت للحمى ماارخص من العنابي=من يعيش بدون مذهب00عيشته ينعاها
جدي أعرابي واناأعربي وأبوي أعرابي=وأكبر مصيبه على الأعراب قرب حماها
كثروا فيك الحكي يالمسلك الوهابي=كلما زمزم شربنا شربةٍ من ماها
يزعمون إنك تصدر كل يوم إرهابي=الله يكرم مشايخنا وطيب لحاها
لدوا أهل الموبقات السبع وسط كتابي=وطلبوا من بيناته كلمتين أنساها
ساقوا اصحابي هناك وشككوا بأحبابي=واوصوا بتقطيع جسم أمٍ توارثناها
وانكروا في بنت عمي حفظها جلبابي=يحسبون المحصنات تهيم في دنياها
وطار في عجتهم الوجه الكريه الهابي=مايغث من الدبش عز الله الا أرداها
والكروش أربابها وسط البنوك ترابي= والعروش أكثر قضيه ماخذه مجراها
والخرايط تصغر أكثر مثل ضغر ثيابي=إيه000ماكن الفجوج الجرد مترناها!!
ياوجودي كل ماصليت في محرابي=وافتكرت أمة حميد وحلمها وأقصاها
وجد عودٍ مر بالشارع وهو متصابي=ولا درى الا والعماير معطيته أعلاها
إن نجا قالوا عليه الظالمين إرهابي= وإن رحل معلوم حنا اللي تحملناها !!!!!!
الرائع/ناصر محمد القحطاني
[/poet]