[poem=font="Simplified Arabic,6,black,normal,normal" bkcolor="coral" bkimage="http://www.alhejaz.net/vb/images/toolbox/backgrounds/15.gif" border="solid,3,darkred" type=0 line=0 align=center use=ex num="0,black"]
كان تنشد عن علومي يجيك الوكـــــاد
مابدنياً تقفّت بالاجاويد خير=
لعنبو من على الدنيا يصيبه سهاد
يوم عشت الفقير وكان مت الفقير=
لوزهمت الليالي قيل وين أنت غاد
روّح الركب ما نوّخت معهم بعير=
برقعوني وأنا حرٍ هواه الهداد
وثلموا حد سيفي يوم سيفي شطير=
أتلظى بكبدي جمر وين البراد
كل دربٍ تلقيته بعيني هجير=
إن كتبت القصيده دم جوفي مداد
وإن حبست القصيده دمع عيني غدير=
روحي اللي تضايق في وسيع الوهاد
حيرتني وانا مالي جناح وأطير=
كل ما قلت هان العوق بالقلب زاد
كن قلبي لغربال الليالي خشير=
دارس الود يوم إنا غدينا بعاد
ويش خلاّه يرجع مثل طفلٍ صغير=
اتذكرك قصر الرمل يومه يُشاد
ما تحملت عند الجال موجٍ هدير=
لا تدوّر خضار الغصن عقب الجراد
ما بقى من ربيعي كود قافٍ كسير[/poem]