نشكر من الابطال ضباط وجنود قصيدة للشاعر / محمد مسعود سالم المرواني

[الجهني]

هذه قصيدة الشاعر / محمد مسعود سالم المرواني من ينبع البحر استلمتها منه هذا اليوم ولم يسبق نشرها في أي منتدى 0
[poet font="Simplified Arabic,4,black,bold,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
ياالله يامطلوب ياخير معبود = ياواحد كل الملا تلتجي له
وبامرك تنشيها مخاييل ورعود = وفي وبلها تحيي الفيافي المحيلة
انت الودود لطالبك دوم ماجود = ياعالم بالوقت عدله وميله
تحمى وطنا من حسود وحاقود = لعل ما يبقى وبمرك تزيله
أهل الحسد والحقد وقلوبهم سود = لاهل الخنا اعمالهم بالرذيلة
مافرقوا بين طيب ومنقود = عميان الاريا والعقول الهبيلة
اكلاب سوء تقودها عصبة قرود = زناديق رجس وللمعادي عميلة
ومن يقتدي بالقرد بالمثل مقرود = وكلا على شكله ينادي زميله
ولا شك للأنذال أعوان وشهود = يمشون معهم للدروب الرذيلة
عن الوفا يمشوا على كل منقود = حتى يموتوا ما مشوا بالفضيلة
ومحامي الأنذال خاسي ومطرود = ماهو بمنا لا ولا نستوي له
منبوذ مثله بالخنازير ماجود = شبيهها واتباعه أيضا مثيله
وهذا جزا اللي ينقض العهد بعهود = وقيل المثل كلا يشابه خليله
وابالحصيني صار له صف وجنود = وليا استوت له قام يلعب بذيله
ياكثرها الانذال والخبث ماجود = أبو حقاب وصايداته هزيلة
طير البحر دايم على الشط مقرود = هذي سواته والجيف له نقيله
والقرد ماقال بالأفعال محمود = ويدل من فعله على اسمه دليله
غراب بين يحوم ما جاب له فود = ماطاب في ذكره ولا له جميله
يافقيه في نجد الوفا مالك وجود = ما لك مع الطيب ولا انته نزيله
عربيد مثلك كيف يالخاسي يقود = مكانته في حوش ولا خميله
المقصد اللي جاور اغراب ويهود = وطيب المبدأ حشا ما يجيله
والناس فيها طيب القلب وجحود = وكلاً بياخذ كيلته في شليله
ياأهل الوفا واصايل الخيل والقود = يااهل الحرايب والفعال الجليله
انتم لها واقولها والنعم زود = انتم دوا غل القلوب الغليله
آل السعود أفعال حاضر وموجود = وبافعالهم مثل السيوف الصقيله
منا الولا ونجدد العهد بعهود = ميزان عهد وبيننا مانيله
والفهد قايدنا وحنا له سنود = فهد الفهود اسودها تنحني له
وعبدالله عضيد الفهد للعليا سنود = راع السجايا والفعول الجميلة
يعيش ابو متعب على الطيب والجود = صليب راي وللمعاني دليله
وسلطان كف الجود وان ثار بارود = فارس ليا ثارت وجت بالصميله
ونايف على اسمه نايف كايد الكود = مثل الجبال النايفات الطويله
ياعيال منهو فوق الاعلام موجود =عبدالعزيز مسخر المستحيله
في قدرة الرحمن والعدل مقصود = سارت بعون الله على الحق خيله
عبدالعزيز اللي بنى الصرح بجهود = ياويل منهو بالشدايد نزيله
فهيم بالأفكار باهر بلا حدود = والبيد طوعها وكانت خليله
من بعد ماكانت تلاعب بها النود = زانت لاخو نوره وصارت جميله
اغضت لعاشقها باهدابها السود = وسلهمت له بالعيون الكحيله
ورجاله اللي عن مواقفها تذود = حماية الحق صاحبه تقتضيله
مافيهم مخادع ولا فيهم جحود = هذاك من هذا وذا ينتمي له
ولا فيهم الجاهل ولا فيهم شرود = وفعل الخطا والزيف ماتنحنيله
ياعز كل الشعب والسيف مجرود = شجرة بني وايل منيفه ظليله
وشعبكم معكم على عهد وصمود = شعب وفي ما تقهره كل حيله
ما هزه منافق ولا يسمع حقود = ولا تزلزله الصعاب المحيله
مثل الجبال الراسية صبر وركود = وطبع الجبال على الطبيعه ثقيله
ونشكر من الابطال ضباط وجنود = ومهما نسطر من معاني قليله
اللي لهم بالأمن مقدار ووجود = بافعالهم تقصر يدين طويله
لهم وسام العز عن كل منقود = ولهم الشرف وكاسبين الجميله
ماشين فيما سارت اباء وجدود = هم محكمين الحق واهل الدليله
على العهد ماضيعوا عرف وحدود = ومن شام للعليا بياخذ حصيله
واردها واحيي ضباط وجنود = بافعالهم تقصر يدين طويله
وصلاة ربي عد الهبايب ورمال النفود= على رسولا ماندور بديله

[/poet]

[poet font="Simplified Arabic,5,black,normal,normal" bkcolor="transparent" bkimage="backgrounds/11.gif" border="none,4,gray" type=0 line=200% align=center use=ex length=0 char="" num="0,black" filter=""]
الشاعر / محمد مسعود سالم المرواني
مطار ينبع البحر
12/3/1425هـ
[/poet]