رديح سليمان إبراهيم قاضي

[ra777al]

أقيم هذا الرديح بمناسبة زفاف الشاب سليمان إبراهيم قاضي في 4/12/1428هـ
حضر من الشعراء/ محمد مسلم الهريويل ومحمد عوده الفايدي ويوسف الكشي من جهه وعايد عبيدالله الفايدي و آدم عطا وصالح بركي الحربي من جهه وشارك الشاعر احمد عطا قاضي في لحني زمانين ومالك الروح.

[poem=font="Traditional Arabic,6,#006699,bold,italic" bkcolor="#FFFFFF" bkimage="images/toolbox/backgrounds/20.gif" border="ridge,6,#33CCFF" type=0 line=0 align=center use=ex num="0,#400000"]
لحن ليحان=
محمد الهريويل =
لهل الفرح والذي حاضر = سلام واجب لهم نقريه
للجميع من طيب الخاطر = يبقى بعد للذى ياتيه
عايد و آدم =
ترحيب منا كما الماطر = و اللي حضر ربنا يحييه
تشريفكم يسعد الناظر =هذا اللذي كنت متمنيه
محمد الهريويل =
لمـا تـأمـلـت فـالسايــر =إخلاف ما كنت متحرية
ياصحاب سار الفكر حاير = فالحاصل الي لكم نطرية
عايد و آدم =
الي سمعته من الصادر = حاصل ومنهو حضر يرعيه
وان كان نجم السعد شاهر = ميقافـنا مــا نـفـرط فـيـه
محمد الهريويل =
راجعت للذاكرة كادر =يحوي سجله على ماضيه
من حاضره دمعنا ناثر = كيف العمل من قبل نرثيه
عايد و آدم =
كل وقت له حي و معاصر =تراثنا جيلنا يحميه
نسـاير الوضع منشاطر =ونزيد فوق البنا عاليه [/poem]
[poem=font="Traditional Arabic,6,#006699,bold,italic" bkcolor="#FFFFFF" bkimage="images/toolbox/backgrounds/20.gif" border="ridge,6,#33CCFF" type=0 line=0 align=center use=ex num="0,#400000"]

لحن سلام=
عايد وآدم =
ليل الصفا للمصافا راق = بحضورنا عند داعينا
نبغى من الآن للإشراق =رسم المثل خذ واعطينا
محمد الهريويل =
كملي لهذا الصفا مشتاق = والليل وحده ما يكفينا
منهاب رسم المثل لنساق = لو كان يومين ياخينا
عايد و آدم =
الآن نبغى معك مشراق = قدام ترسى مراسينا
في طمة الغزر و الاعماق = مهما المخاطر تلاقينا
محمد الهريويل =
ياما سعينا وسيع إنطاق = نستقبل اللى يجارينا
هات المثل وارسمه بوثاق =حتى نوصلك للمينا
عايد و آدم =
انا وغرام الهوا في سباق = حتى دنا العمر ممدينا
وسع الفضاء بالمعنا ضاق = من وضع حاصل و مبكينا
محمد الهريويل =
ماهي غريبة على العشاق= شفنا و سمعنا وماضينا
ما تجهل ان الهواء عملاق =نرضيه مهما يبكينا
عايد و آدم =
انين قلبي مع الخفاق =كل ما سلينا يشاجينا
يعود للذاكرة المشتاق = جدد علينا مآسينا
محمد الهريويل =
عن الهواء مالنا مدراق = يجري مجاري الدماء فينا
مادمت في ساقته منساق = لا تقول ضاعت أمانينا[/poem]
[poem=font="Traditional Arabic,6,#006699,bold,italic" bkcolor="#FFFFFF" bkimage="images/toolbox/backgrounds/20.gif" border="ridge,6,#33CCFF" type=0 line=0 align=center use=ex num="0,#400000"]

لحن زمانين=
أحمد عطا =
أهات قلبي سمعها الشام = وآخر حدود اليمن وصلت
من كهرباء وصلوها العام = أهل المودات و إنفصلت
عايد و آدم =
قانون فالهندسة و أحكام = باسلوب راقي إذا صفت
لوما خلل سار فالقسام = من بعده الكهرباء فصلت
أحمد عطا=
كل المحطات و الأقسام = لو ساعة الكارثة نزلت
مانورة فالظلام قرام =وشفاعة الناس ما قبلت
عايد و آدم =
فكرت في منطق الفهام = ونيران الأشواق لاشبت
لو كان توصيلها بنظام = ماكان اعطالها حصلت

أحمد عطا =
القيل لا تحسبه أوهام = نسايم الشام لا هبت
طرفي سنه بعدها ما نام = غير السنين التي عدت
عايد وآدم=
متلام يا مشتكي متلام = هبايب الريح لو مرت
تجرح قلوب المحب لازام = و تاسى على الطرف لا قرت [/poem]



[poem=font="Traditional Arabic,6,#006699,bold,italic" bkcolor="#FFFFFF" bkimage="images/toolbox/backgrounds/20.gif" border="ridge,6,#33CCFF" type=0 line=0 align=center use=ex num="0,#400000"]


لحن مالك الروح=
عايد وآدم=
عيت جروح الزمن تلتم = اللي توالت على المذكور
كل مااتي يوم تنزف دم = لاعلاج نافع ولا دكتور
احمد عطا=
المرء من واجبه يهتم = مايسير عن مطلبه مقصور
يبذل جهد والأشيا قسم = مكتوب ومسطره بسطور
عايد و آدم=
تطاولت حالة المسقم = سنين تمضي وراها شهور
شربه وزاده بقي كالسم = مايوم يصبح منه مسرور
احمد عطا=
دايم طريق الهواء مضلم = وصاحبه ما يشوف النور
ماينول غير العنا والهم = مثل الي في شعب مكسور
عايد وآدم
كل ماعليه الزمان اقدم = انا على حالتي مطرور
حتى الحليم الذي يحلم = اشفق على حالة المقهور
احمد عطا=
جاك الجواب الذي من صم = تأمله فأول المنشور
وانته عن المبتداء تعلم = مقرور لاتحسبه منكور
من لا شرب من غزير الجم = دايم عليه الليالي تدور
من المقادير مايسلم = لو يحتجب في جبال الطور
وياصحابنا سامحونا=[/poem]