((ثلاثه الحان على الهواء مع الشاعره فاقدة غالي))

**البندر** · 23-02-2010, 10:55 AM

[poem=font="Simplified Arabic,6,white,normal,italic" bkcolor="darkred" bkimage="" border="solid,5,chocolate" type=0 line=0 align=center use=ex num="0,black""]
البندر=
من دون حتى السلام اقراه=واقول يافاقده مرحب
جيتك وحرفى ماحد يقواه=وياقاري الخط لاتعجب
فاقده غالي=
ياحرف ساطى وذا فحواه=من قولكم ليش استغرب
سنه ومنه تبع ممشاه=اكيد كل الاجر يكسب
البندر=
كل الذى تكتبه نقراه=لى حرف يغلب وما يُغلب
اهل المثل كلهم تخشاه=احذر من النار لاتقرب
فاقده غالي=
الحرف الة جذب وغناه=ماهو عصايه بها تضرب
والقيل لانه اكتمل معناه=الكل لاغصاننا يطرب
البندر=
ردك على راسنا والله=ياسيد القيل فالملعب
والان هذا السلام ابداه=قدام ريح المعانى تهب
فاقدة غالي=
توه مازان الكلام بناه=ترحيب من خاطرى اكتب
والبن والشاي حضرناه=للى معى فالمثل يلعب
البندر=
عايش حياتي فى عز وجاه=وعن دولش الود متغرب
لكن عظيم الهوى اضناه=وطشه فؤاده فى اقسى قلب
فاقده غالي=
يامن فى بحر الموده تاه=والان عاش الغرام الصعب
قبلك تعبنا نجر الاه=والسم لعيونهم نشرب
البندر=
هذا الدوا ماقبله ورضاه=سنين فالود متعذب
ابكي ومنه معى بكاه=كثر الاسئ والجفا والغلب
فاقده غالي=
ماقول ياصاحبي انساه=وماقول ابعد ترى تتعب
بحر الهوى كلنا عمناه=وغير الصبر ماتلاقي طب
وغيره ياصحاب غيره=
اللحن الثاني=
فاقده غالي=
من فيه فالمنتدى قصده = ياخذ معى فالمثل ويقول
ربان فالمنتدى نعده=ويكون فالمسأله مسؤل
البندر=
القيل ياكثرهم جنده=وما اقول عن انسنا مشغول
هات المثل واستمع رده=ان كان منك المثل معقول
فاقدة غالي=
بالود فنجالنا نمده=وهذا الذي منكم مأمول
والقيل منطوقكم شهده=يامن لكم فالمعاني قبول
البندر=
مين قال باب الوفا نسده=كل شي من جانبك مقبول
الطيب الناس ما ترده=هذا وفا منكم وكمول
فاقدة غالي=
القلب ملهود من بعده=وأخاف ذاك البعاد يطول
اخشى من الشوق لايهده=وشوق المحبين عني يحول
البندر فالمردود الاخير=
الود ما فيه احد قده=منه مشى سكته مجهول
مافيه منه وقف ضده=ولا فيه عنده شهود عدول
وان كان باقي على وده=اللى منه تشتكى وتقول
اصبر وخلك على عهده=ولا اتصل به على المحمول
وغيره ياصحاب غيره=
اللحن الثالث=
البندر=
من ينبع العز والمعنا=عذب المثل لك صدرته
سلام للي هنا معنا= من صادق القلب حررته
فاقدة غالي=
يامرحبا ان كان تسمعنا=ياحرف يطرب وقدرته
ومدامه الطيب جمعنا=من صافي الود عبرته
البندر=
بردودكم دوم تقنعنا=يامن على الطيب سطرته
من شانه هلت مدامعنا=لما دقيقه تفكرته
فاقدة غالي=
يامن على الود رجعنا=وبقولك البال عكرته
اعزف ترانيم سمعنا=لاتقول ماقدر واسررته
البندر=
يافاقدة الود لوعنا=والقلب ياكم انذرته
المر دايم يجرعنا=واللي حصل ما تصورته
فاقدة غالي=
راجعت كامل مراجعنا=واللي كتبته وبررته
الود عمره ماشجعنا=والقلب عمرك ماخيرته
والود ياكم ضيعنا=ومن خوفي القلب سكرته
ابعد عن الود واسمعنا=هذا حكم لك قررته
وانكسر اللحن=
ويصحابنا سمحونا=
[/poem]

**المعلم** · 23-02-2010, 12:14 PM

شكرا أخي البندر
سلمت وسلمت فاقدة غالي
ألحان شجية وجميلة
تحيتي لكم

**خالد باجنيد** · 23-02-2010, 12:49 PM

ايش هذا يالبندر
كلام جميل وممتع
تقبل مروري

**دايم السعد** · 23-02-2010, 12:59 PM

شكرا أخي البندر
سلمت وسلمت فاقدة غالي
ألحان شجية وجميلة
تحيتي لكم

**فوزي1** · 23-02-2010, 09:25 PM

شكرا أخي البندر
سلمت وسلمت فاقدة غالي
ألحان شجية وجميلة
تحيتي لكم

**خليل** · 24-02-2010, 01:45 PM

المرّه هذي شبه ذيبان مافيها هرجه يابندوري ياسلام على الكلام الحلو اسجل إعجابي ولك خالص تحياتي

**الحربية** · 28-02-2010, 10:34 PM

لا اجد ما اقوله اخي البندر

ثلاث الحان رائعه وممتعه لاتمر بها مرور الكرام

شكرا لامتاعنا بها

دمت مبدع
كل الود والتقدير

الحربية

**ابن عاطي** · 01-03-2010, 02:49 PM

[poem=font="Simplified Arabic,6,white,normal,normal" bkcolor="blue" bkimage="" border="solid,5,red" type=0 line=0 align=center use=ex num="0,black""]
فاقدة غالي=
ماقول ياصاحبي انساه=وماقول ابعد ترى تتعب
بحر الهوى كلنا عمناه=وغير الصبر ماتلاقي طب
كسرة لحن=
البندوري=
الود ما فيه احد قده=منه مشى سكته مجهول
مافيه منه وقف ضده=ولا فيه عنده شهود عدول
وان كان باقي على وده=اللى منه تشتكى وتقول
اصبر وخلك على عهده=ولا اتصل به على المحمول
كسرة لحن=
[/poem]

رائعين جدا
فارس الكسره
فاقدة غالي
كلام ولا اروع
هاتوا منه دايم
محبكم:ابن عاطى