[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ياسـلام الله على شيخ الشباب=الشباب الطيبين الصـالحيـن
الشبـاب اللي مطـبق للكــتاب=ويتبع السـنة دليل المــؤمنـين
كاسب اللي سار معهم للـثواب=ياسـلام اللـه عـلـيـهم كاسبـين
كاسبين الخير يخشون العقاب=ماعليهم من ملاهي الضائعين
من يخاف الله تشـوفه في رحاب=مطمئن النفـس والقاسي يلـين
مسـتريح البــال ماهمـه ذهــاب=مؤمـــن بالله رب العـــالمـي
من عصا ربه تشوفه باظطراب=اظطراب العقل والخافي يبين
ومن زهق منهم يجي فيه اكتئاب=والسبب بعده عن الرب المعين
خاسر اللي راح يمشي للخراب=ماتوعـظ من مآسـي الاخــرين
والبلا انه راح يطرد للسراب=غرتــه دنـياه والفكـر المشـين
والسبب معروف سوء الاصطحاب=ماتـــــنقـا للشــباب الطــيبـيـن
والفخر في اللي تعدل ثم تاب=واخلص النـية وصلى ركعتين
رابط الجاش عازم الاجتناب=من دروب الملــعنة والغـافلين
ومن حياة الشر بدل للثياب=ويحمد الله يشـكره في كل حين
يحمدالله يوم رده للصواب=وقام يكره مامضاله من سنين
خالد المنعور ياسمح الجناب=يحفـظك ربي على دنيـا ودين
والمراجل حاضرة مابه غياب=من خـوال ومن عمـام ووالدين
زان قافي فيك ياخالد وطاب=يعلم الله زان شعري بك يزين
وماعلي خلاف لو اني مصاب=مؤمـن بالله والهـادي الامــين
من فعل للخير يرقا للسحاب=والردي عســاه قلعة وادريــن
والكلام ليا كثر جا بالعتاب=ومايفيد الحكي غير المبغضين
ياالهي رحمتك لاجا الحساب=اليمـين يمـين درب المســلمين
واكفنا يارب من شر العذاب=واهــدنا يارب درب الفـايزين
اسأل الله العفو والاحتساب=غـافـر الـزلات محـئي المـيتين
[/poet]