الذكريات الخوالي بقلم الشاعر الاستاذ/
ابراهيم خليل ابو جلاس



[poem=font="Simplified Arabic,6,black,bold,normal" bkcolor="silver" bkimage="" border="none,4," type=0 line=0 align=center use=ex num="0,black"]
يـالـيـت الأيام تعطـيـنـا = وتـردنــا لـلورا أعوام
حتى نتأمـل فماضينـا = ونعيـش ذاك الزمـان الهـام
فالبيت كنا واهالينا = مـع بعضنـا نوصـل الارحـام
والوقت قابل ومرضينا= وماتشوف فالعائلة أخصام
فالصيـف نجمـع أوانينـا = والعفـش انرتـبـه بنـظـام
على البعارين شدينا = بعض الشقادف بدون حزام
وتسـنـد القافـلـة فـيـنـا = وسـايس القـافـلة مـقـدام
أمـا الربايـع يظليـنـا = فــي هـودج القـاطـرة قــدام
وليـا وصلنـا وصلينـا = بـعـد التـعـب والسهرمـاننـام
انروح العين ناوينا = نملآ القرب والشريعـة زحـام
ولاطلعت الشمس مدينا = يم النخل والرطب جلهام
نجنـي منـه كـم يكفينـا = والـزايـد يــروح للأيـتـام
وعيالنا من حوالينا= من اللقط جايبين أكوام
مقوزرينه وبيدينا =نوطاه ونقسمه أقسام
هذاك في جراب لمزينا = اللي تشبشر خصف باحكام
وهذا في مجلاد يجزينا= نفطر منه لانوينا صيام
اما الجفاف لوراعينا= ياكلون وقت الضحى لاحام
حتى الحشف والفغو زينا= ينباع للي معه أغنام
وبعد الظهرلاتعدينا= من داخل السوق ننصـا خـزام
ناخـذ بقـل ولاتغدينـا = نرجـع ونسقـي النخـل بنظـام
وقبـل العصرلاتواضيـنـا = جميعـنـا للـصـلاة قـيـام
ولاسلـم الشـيـخ وانهيـنـا = صلاتـنـا نسـمـع الـعـلام
ولاغابت الشمس وامسينا=جبنا الدفاتـر مـع الاقـلام
نكتب شعر زين يشجينا = ونحولـه بالدفـوف انغـام
ولنـه أتانـا الشـتا جينا= مـن النخـل حادريـن اقــوام
نعود ندعك هوارينا = من الخسع قاعدات قدام
ولابيّن الطلع عدينا = عودا على بدء بالالزام
نرجع وترجع حكاوينا = نوبر ونقشى ولاننضام[/poem]