بصراحه في حياتي لم أرى قافية بمثل صعوبة قافية هذه القصيده التي هي للشاعر خالد الفيصل

[poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
وا قلبي اللي من هوى البيض معتاذ=واليوم أشوف الشوق والوجد بذه
حسبي على اللي للمواصيل جذاذ=حبل الوصل من بيننا البعد جذه
يسقي منازل لين العود رذاذ=يلقى بها ظبي الطعاميس لذه
الصاحب اللي عن هوى القلب مالاذ=لاقلت دوك القلب يازين غذه
ولاهوبفي هرجه كثير وهذاذ=ماشاف في ليله نهاره يهذه
عساك تاتي لي يابوزيد نفاذ=قلب تحذى الشور ياخوك حذه
الأمير/خالد الفيصل
[/poet]

وقد رد عليه المرحوم محمد السديري بهذ القصيده

[poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
أسهر طوال الليل وأغضي على الحاذ=وعن الصديق القلب مافيه شذه
شكواك خلت بسرة القلب تخاذ=ولاعاد في قلبي من الصبر فذه
اللي يابو بندر جعل قلبك افلاذ=مشربك يا ممدوح الأفعال عذه
طفل سهم عينه بالأعماق نفاذ=والحق عليك بقذه عقب قذه
ان كان مالك فيه مدخل ومنفاذ=له الشبك في مدهل الصيد بذه
واليا دخل وسط الشبك يابن الأفذاذ=غوجك لساعات المهمات حذه
الأمير/ محمد السديري رحمه الله
[/poet]

فهل شاهد أحد منكم أصعب من هذه القافيه؟