[poem=font="simplified arabic,6,white,bold,italic" bkcolor="green" bkimage="" border="ridge,7,green" type=0 line=0 align=center use=ex num="0,black""]
البندر=
سلام وسع الفضا واكبر=وابعد منه شوف انظاري
ماهو كما قيل متكرر=جديد خالص من اشعاري
الحربيه=
ترحيب بالشاعر المبهر=على نغم عزف اوتاري
والان نبغى الكلام الدر=اللى عن البعض متواري
البندر=
عهدي مع النفس ماتظهر=كل الخفايا واسراري
لجلي امين الهوى مقدر=اذيعها نشرة اخباري
الحربيه=
قررت افتح لكم محضر=وقدام لاابداه مشواري
ابغى الحقيقه تجي وتقر=حتى لكم اختم امهاري
البندر=
ملهود والقلب متكدر=والدمع مثل النهر جاري
ومن الاسئ صرت مافكر=ضاقت بي الارض وافكاري
الحربيه=
يافارس القيل لا تكثر=كثير مثلك ولا داري
لاتشغل البال تتعكر=وتقول ضيعت مقداري
البندر=
همت الفضا والبحر والبر=ماهو رضا غصب واجباري
حالف عليه قسم ومصر=يطشني فى لهب ناري
الحربيه=
نيرانه الود متاثر=واحرص اذا جالكم طاري
واسعى معه قد ما تقدر=لاتقول بحر الهوى عاري
البندر=
ياشاعره الود متجبر=على المودين ما يداري
قاسي وبالحيل متكبر=بايع ودادي وانا شاري
الحربيه=
فالود احنا شربنا مر=وشفنا منه كيد وانكاري
كل الاسى فيه متوفر=هذا الحكم واقبل إقراري
ويصحابنا سامحونا=
البندوري=
ملتقى الاحباب=
18/4/1432هـــ =
[/poem]