من جديد الشماسي و أبو ناجي

[طلال الصبحي]

الشماسي ...{

طلال نبغى الجديد يجد *** جدٍ على جـِد نبغى قاف
عطنى صفا من غزير العِـد*** واعطيك من عدبنا الشفاف
بي جرح كل مانسيته رد *** مخفيه من داخلي ما طاف
ماهو هوى من شرارة ود *** ولا مس واشكيه للعراف

أبو ناجي ...{
يامرحبا يا أصيل الجَد *** ترحيب في غاية الإلطاف
في القيل مثلك لنا ينعد *** يا راعي الطيب والإنصاف
لا تقول جرحي عليا شد *** <ياليت مافي القلوب يشاف>
جرح الخفا مالقي له ضد *** غير الصبر والصبر ينعاف

الشماسي...{
جاني ردودك عبير وورد*** يسبق نسيم الهواء الهفهاف
لكن مافدتني بالرد *** والصبر عملة بلا صراف

أيو ناجي ...{
يا مرحبا من صديقٍ مود *** راع الوفا صاحب الميقاف
من طيبك الطيب ماله حد *** وإحنا مع الطيبين وقاف

لكم ودي ...

أبــو ناجي