دار الشرف والعز والمجد والفخر.. هذي مداهلها وهذي حدودهاا

[الشاعر]

[poet font="Simplified Arabic,5,silver,normal,normal" bkcolor="teal" bkimage="" border="double,4,gray" type=0 line=200% align=center use=ex length=0 char="" num="0,black" filter=""]
سلام ياداراً سقى الله نفودها=من مزنةٍ غرّا تقافت رعودها
تبكي ليا ضمّت عوالي جبالها=ويسيل واديها ويخضرّ عودها
داراً مرابعها نِسَت وابل الحيا=وجاها من صروف الدهر مايكودها
بلاقعٍ قُفرٍ صحاصيح ممحله=جفّت مراويها وحالوا ورودها
غير المنازل دارساتاً رسومها=بارضٍ خلا مافيه حيّاً يرودها
مرّيتها عَجلاً وهلّيت عبرتي=وانا اتذكّر مامضى من سعودها
يادار وين اللي تعَرفين وينهم=ربعاً حضن طاهر ترابك جدودها
مدري نسوا يادار من بعد مانتحوا=ولاّ حنين قلوبهم لك يقودها
ولاّ قسوا يادار مقسى قلوبهم=حتى نهار العيد محداً يعودها
دار الشرف والعز والمجد والفخر=هذي مداهلها وهذي حدودها
من ضاس الى وادي عباثر خيامهم=والضّلع ابو قَدّوم فيها عمودها
واطنابها بأيلات وبواط دونهم=ونيرانهم بعريق مرشد وقودها
والصيف فالبثنه منازل حضورهم=لاجيتها ابكي واتوجّد وجودها
كم عاش فيها من عزيزاً جوارهم=اجواد يرجي الجود مدّات جودها
اماجد قروماً صناديد باللقا=تلوذ بحماهم ضواري فهودها
على الوفا والعزّ والطيب والثنا=شادوا جبال امجاد صعباً سنودها
ياطيب ذكراهم وياطيب ذكرهم=ربعاً دعايم عزّنا في خلودها
انسابهم ساساً معرّب قبايله=من نسل قحطاناً تفرّع بدودها
ساساً مثل رضوى جذوره وقمّته=بارض الجزيره من بداية عهودها
على مدى التاريخ شامخ بهامته=ماهمّه دهوره وهبّات نودها
مضرِب مثل حسّان لافاخر العرب=بالشعر في عزّ وكرامه يسودها
والعيص عزّ المسلمين وملاذهم=قدّام لاهل الشرك تنقض عهودها
ديار عزّ ابو بصير احتمى بها=برايات الاسلام السّرايا يقودها
وينبع قراياها بها احفاد إمامنا=علي واساميهم عليها شهودها
وفيها رجال ابن الوليد احتزم بهم=في فتح مكّه يوم تُحشد حشودها
ولاخاب للإسلام جيشاً بمعركه=فيها صحابه من جهينه جنودها
ياالله هذي دارهم مسّها الفنا=واستبدلت هون الليالي بكودها
تذرف عليها دموع مشفق يحبّها=ويبكي عليها اليوم حتى حسودها
طال الدهر واخفى معالم عيونها=وسدّت مراويها عليها سدودها
خيوفها قيعان واعجاز خاويه=جفّت منابعها وصافي عدودها
ياالله تسقيها وتِحيي رياضها=وتسيل من ضلعان رضوى نفودها
أبو بندر
الشـــــــــاعر

[/poet]
.
.