اهداء خاص من ابومديده الى المشرف الغالي ابوياسر وجميع الاخوان في المنتدى

[ابومديده]

[ALIGN=CENTER]المشرف الغالي ابوياسر
اخواني واحبابي مشرفي واعضاء المنتدى الحبيب
السلام عليكم ورحمة الله وبركاته
اود ان اهديكم هذه الهديه المتواضعه وهي عباره عن زهورات ومحاورات شعريه للأستاذ الشاعر والإذاعي المعروف / عبيدالله أبوزاهره
على امل ان تحوز على رضاكم ورضا كل من يطّلع عليها[/ALIGN]
[poet font="Simplified Arabic,5,black,bold,italic" bkcolor="transparent" bkimage="backgrounds/23.gif" border="double,4,gray" type=0 line=200% align=center use=ex length=0 char="" num="0,black" filter=" glow(color=white,strength=5)"]
زهورات
مايجوز يامورِد الخدين=بعد الموده تجافينا
قدّك وخدّك ورمش العين=ألم ترى فعلها فينا ؟
****
حراج يامشتري قلبي=اللي نهيتُه وعيا يطيع
بعد الذي شفت من غُلبي=حلفت بأرخص ثمن لاابيع
****
ياعاذلي لو عذلت ولِمت=لي طرف عما يرى مصروف
أحوال تفرض علينا الصمت=رغم الذي نسمعُه ونشوف
****
قرّر زمان العضّا واصدر=حُكمآ رضيتُه على نفسي
خلاني أشرب نقيع المُر=مِصبح وأزيد أشربُه مِمسي
****
كيف الهوى مر لحظه وفات=لاعُذر قدّم ولااستفهام
والمشتقي خاطرُه مابات=سهران طرفه ثلاث ايام
****
هذي سلوم الهوى والفن=اللي من أْهلُه تعلمناه
إن جيت تعتب تعاتب من=مادام قلبك ابى يسلاه
****
طاوعت غي الشباب سنين=في طاعة النفس وأهواها
سرّحتها مسرح الغاوين=واليوم حاسب لعقباها
___
[/poet][ALIGN=CENTER]مراسله
الشاعر الكبير احمد الدبيش ولشاعر الأستاذ عبيدالله ابوزاهره[/ALIGN]
[poet font="Simplified Arabic,5,white,bold,italic" bkcolor="sandybrown" bkimage="" border="double,4,gray" type=0 line=200% align=center use=ex length=0 char="" num="0,black" filter=" glow(color=black,strength=3)"]
الدبيش
مثل إشتياق الضُما للما=وألا كما شوق متغرّب
سلام مِستخلصُه مما=فالقلب لأحبابنا مِنصْب
كُل ماالعقل زادني حِلما=كُل ماعليا الجهل يغضب
ذنبي عشان اكره الظلما=بالحيل ومن الظلام أتعب
ابوزاهره
يامرحبا عاشت الأسما=ومنهو لهذا النسب يُنسب
إنت رسمت المثل رسما=وأنا ترى اصُف لُه واحسِب
النور والجاده مهما=يكون فيها المسير أصعب
العقل فالمركز الأسما=غالب على الكُل مايغلب
********
[/poet]هناك إجناس تام في كلمة = 1 الأسما ( بمعنى الأسماء ) 2 الأسما ( بمعنى مرموق اوفي [الصداره )ALIGN=CENTER]محاورات شعريه
جرت هذه المحاوره بين الشاعر المتواضع ماجد ابومديده والشاعر العملاق عبيدالله ابوزاهره[/ALIGN]
[poet font="Simplified Arabic,5,white,bold,italic" bkcolor="blue" bkimage="" border="double,4,gray" type=0 line=200% align=center use=ex length=0 char="" num="0,black" filter=" glow(color=black,strength=3)"]
ابومديده
الليله الكُل فإستئناس=والأُنس في أوج مسعارُه
سلام ينصا أعز الناس=والدار واللي حِضر دارُه
ابوزاهره
يامرحبا من صميم الراس=والدار يسعد بزوارُه
إنتم لكم فالمعاني ساس=خلو الهوىيسير في عيارُه
ابومديده
عسى البقا والهوى بقياس=نمشي على طول مشوارُه
كيف أشتكي قلبي الحساس=اللي يعاني من أخطارُه
ابوزاهره
الود يبغى رجل جساس=يعرف رموزه واسرارُه
وخابرك صامد قويْ الباس=فن الهوى عايم أبحارُه
ابومديده
اللي تذوّق مرار الكاس=يوجز لكم موجز أخبارُه
لجلُه فبحر الغرام إحتاس=يجهل يمينُه من يسارُه
ابوزاهره
فالود لاتعلن الإفلاس=عيد النظر وأدرُس افكارُه
بالصبر تلبس حرير ولاس=وتنول حظك وتختـاره
ابومديده
وا قلبي اللي مابين أقواس=قاسا من الود وإنكارُه
مستأسرُه ظالم ولواس=كيف ايتفكك من إحصارُه
ابوزاهره
لاتضرب أخماس في أسداس=والغيب لاتكشف أستارُه
وإحرص من الأعيُن النُعاس=قبل الهوى تظهر أثارُه
*********
[/poet]
[ALIGN=CENTER]جرت هذه المحاوره بين الشاعر الكبير عبيدالله ابوزاهره والشاعر الكبير احمد الدبيش
في استراحة الاستاذ بذهبان بحضور احد اصدقاء الاستاذ من ( الشام )
وحضور الشاعر والمغني المعروف السيد منصور يرحمه الله
وكانت الليله على انغام السمسيه اذ كان السيد رحمه الله يغني الكسره[/ALIGN][poet font="Simplified Arabic,5,white,bold,italic" bkcolor="firebrick" bkimage="" border="double,4,gray" type=0 line=200% align=center use=ex length=0 char="" num="0,black" filter=" glow(color=black,strength=3)"]
الدبيش
سجِل لنا للمثل عنوان=فالليله اللي على مايرام
سلام ياجملة الأخوان=واللي حضر من بلاد الشام
ابوزاهره
يوم المغني بدع يادان=والسلك يعزف لنا الأنغام
أقول واثني بكل لسان=يامرحبا واجب الإسلام
الدبيش
الليله الأُنس شانُه شان=في داركم ناشر الأعلام
لكن مُرغم عنه قنعان=مالي معه فالحياه ليام
ابوزاهره
ماكان فالبال والحسبان=ولاكنت رتبت لُه قِدام
وإن كنت تذكُر زمانآ كان=لاتقول مالي معاهم زام
الدبيش
فالليل نوم العرب لاحان=عيني محرّم عليها تنام
واقف على نونها سجان=كُل يوم يصدر عليها احكام
ابوزاهره
لوكان فالمسأله قولان=لأمشي لكم حافي الأقدام
لكن حكم الزمن سلطان=واللي كما حالكم مايلام
الدبيش
خصمي تعّود على الطغيان=جاير وظالم من الظُلام
والحق من جانبي نيشان=بس الخصم ماأعترف بنظام
ابوزاهره
عزيز ياصاحبي ماتهان=مهما تلاقو عليك أخصام
واللي أعلنو ضدك الإعلان=لاشك في صفهُم دعام
إصبر لعل الصبُر يافلان=يجعل لك المسك فيها ختام
لأجل إنه الوقت مهما شان=لابد مايحقق الأحلام
****
[/poet]
[ALIGN=CENTER]وهذه محاوره جرت بين الاستاذ عبيدالله ابوزاهره والاستاذالشاعر علي بن عسم
المحمدي [/ALIGN][poet font="Simplified Arabic,5,white,bold,italic" bkcolor="limegreen" bkimage="" border="double,4,gray" type=0 line=200% align=center use=ex length=0 char="" num="0,black" filter=" glow(color=black,strength=3)"]

ابوزاهره
أنا الذي خاطري ينشط=لنُه سمع بالصديق وشاف
سلام مرسوم ومخطط=ومسطرُه في ورق شفاف
بن عسم
يافرحتي يوم شفت الخط=من عند وافي ولُه ميقاف
ترحيب عد المطر لاحط=زاد الفرح عندنا أضعاف
ابوزاهره
عسى البقا والصفا لُه شرط=ناخذ ونعطي معه بإنصاف
لجلي فشرواك ماأفرّط=ياجيد الأصل والأسلاف
بن عسم
إنتم لكم فالمعاني ضبط=في رسمها أستاذ للعُراف
إبحر وانا ملتزم بالشط=وبيناتنا مايسير خلاف
ابوزاهره
اللي على القلب متسلّط=يامر وينهي ولاينشاف
مايعرف المنهج الأوسط=ولايرحم العاشق الميلاف
بن عسم
الرد الأخير
من كان مُغرم ومتورط=لازم يذوق العذاب أصناف
يصبر ويدراه ويبسّط=حتى تصير الثقال خفاف
ويصحابنا سامحونا
[/poet]ارجو ان اكون قد وفقت في نيل استحسانكم واعجابكم
الاخ ابوياسر لقد وعدتك بان تكون اول مشاركه لي بعد الانقطاع عباره عن اهداء لك خاصه والاخوان الاعزاء في المنتدى عامه
وهذا انا افي بالوعد
وبالنسبه الى ماشرت عليه لكي ادرجه في الصفحه فانني لم اتحصل عليه والظاهر ان احد الاخوان اخذه للأطلاع عليه
ولكن انشاءالله عما قريب سوف ادرجه ايضآ للإهداء