الطنب المشلوع

[وحيدة السعودية]

[poem=font="Simplified Arabic,5,darkred,normal,normal" bkcolor="transparent" bkimage="http://www.alhejaz.net/vb/images/toolbox/backgrounds/17.gif" border="double,5,darkred" type=2 line=0 align=center use=ex num="0,black"]
=
لاَ سَلَّمْ الله يمينٍ مِنْك صادَتْني


يا مدمي الهامه الله عَنْك مرفوعه
=

أعياك راسي وطاوَلْ للسما مَتْني


وانت اسكنَتْك الدنايا جحْر يربوعه
=

ماني بمثلك سحابي ما يجي هَتْني


أنا ترى وابلٍ جَرّتْه مَتْبوعه
=

وان كان الانذال عابَتْني وْسَبَّتْني


الوَرْد يغري دبيب القاع في ضَوْعه
=

أنعمني الله عليك ورام بك فَتْني


والتِبْر بالنار يُجلى للبشَر نوعه
=

دِنْيَاً على غير مشهاتي تولّتني


وانا على السِّلْم الاوَّلْ واتْبَعْ سْنوعه
=

كم نوّخَتْ بي على اللوعه وْخَلّتْني


أظما وعن جَمّها رِجْلَيّ مَمْنوعه
=

فيها كما الوَرْق للأغصان حَدَّتْني


يبكي وهو يطرِبْ المشتاق بِسْجوعه
=

وانا على الشوك من مبداي مَشَّتْني


ولا هي بتصفى وعمري يَطْوي شْروعه
=

للقاف من غِمْدها الموجوع سَلّتني


لين انثنيت لْحَشاي آدوزِنْ وْجوعه
=

كم وَقّفتني على الأطلال وابْكَتْني


على رجا فَجْرها اللي مبطي طْلوعه
=

آشِبّ ناري على النايف وْشَبّتني


بالله وش حَيّ تصلي جوفه ضْلوعه؟!
=

خَلَّيت ما لي حبيب خْطاه لَبَّتْني


والريح تدوي وطنْب البيت مَشْلوعه
=

وشلون كَفٍ روَتْ جالي وْلَمَّتْني


رَدَّتْ على الروض الاخضر تَحْرِقْ زْروعه
=

والناس هذا شفوق وذاك يبهتني


والسوّ له كلمةٍ بالناس مسموعه
=

أقفت ركاب المودّه ما تحَرّتني


لين أشْهَبْ اللال جَز الرَّكْب وِمْتوعه
=

ما بين يَمْنَيً سطَتْ وِشْمال لَفّتني

حب انطوى بالعذاب وْبَادَتْ شْموعه[/poem]