[poet font="Simplified Arabic,6,white,bold,italic" bkcolor="darkred" bkimage="" border="ridge,8,burlywood" type=0 line=200% align=center use=ex length=0 char="" num="0,black" filter=""]
سلام لافى لفى للدار=طرقى وطيب النبا جابه
لوكان عنده غرض مرار=لازم يسلم على اصحابه
ابواحمد
راعى الادب والكلام السار=يبان من طالع إخطابه
ترحيب والطيبه تذكار=منك الوفاء حاسب حسابه
ناصر وادام
وافى ولك عندنا مقدار=والقلب ماينكر احبابه
يحلا معاك المثل لادار=بالحرف يامقارع اربابه
ابواحمد
استبشر الذات باهل الكار=والقلب فاتح لكم بابه
يازين لاقالوا الشعار=منك المثل واعلن كتابه
ناصر وادام
سؤال مطروح واستفسار=متى الرفق يكمل إنصابه
على حسب ماسمعت اخبار=الصف شقر العصا صابه
ابواحمد
بوجود منكم من الاخيار=تزوح الاسباب وانشابه
واحنا عنه مالنا معذار=مهما يكلف من اتعابه
ناصر وادام
وصلتكم فأول المشوار=ابغى استمع راي واقدابه
وابغى ملخص عن اللى صار=حتى اعرف الوضع واسبابه
ابواحمد
قبلى مشيت الصفا سنجار=مع صفوة القيل واقطابه
لو اختلف بينكم معيار= الوضع يبقى على مابه
ناصر وادام
ماودنا للصفا ينهار=وكلا عنه يعلن غيابه
مادام فيه العقول كبار=مايختلف فيه نوابه
ابواحمد
ربك لنا سخر الاقدار=من شب نكون شيابه
مادام ساس الصفا هودار= من بعدنا جيل يشقابه
ويصحابنا سمحونا
البندر _ املج
البندورى
الشماليه
11/1/1427هـــ
/////
[/poet]