[align=center]
مساء الخميس 16/ 10 / 1429 ,, كنت مارا من عند مستشفى الملك فهد بالمدينة ,, وكان يقف رجل
يأشر يبغى سيارة ,, وقفت له وقلتله : فين تبغى ؟ قلي : ابغاك توديني للقهوة اللي في طريق ينبع
قبل لا يركب شاهدت لصقه طبيه على يده اليسار ,, وحنا ماشيين قلي أنا تعبان
قلت له : سلامات أن شاء الله ,, أشوف لصقه في يدك كانت عندك مراجعه في المستشفى ؟
قلي : أنا منوم هنا ,, واستغربت من كلامه وبصراحة خفت لا يكون شارد لأني حسيت من كلامه انه فيه شيء أو يكون مريض نفسي ,,أو سجين ,, بعدها سألته ليش منوم خير أن شاء الله , قلي : انا عندي حصى في الكلى بس الحمد لله انه بسيط ,, وعندي عملية يوم السبت ,
قلت كيف خرجت ؟ رد علي وقال المستشفى تسمحلي بساعتين اخرج فيها علشان أروح أدخن وأرجع !!

معقوله يا ناس ,, مريض منوم من يوم الثلاثاء أو الأربعاء وعنده عملية يوم السبت والمستشفى تسمحله يخرج
علشان يدخن !! والله غريبه واول مرة اسمعها
يعني حياة الناس رخيصة حتى المستشفى تخلي مريض منوم يخرج يدخن وهو ينتظر عملية جراحيه !
لاسمح اللهلو صار له شيء وهوخارج المستشفى مين راح يتحمل الخطأ
المستشفى أم راح يقولون انه هو السبب

الموضوع يحتاج ردودكم وتعليقاتكم أحبتي الأفاضل

تحيتي للجميع[/align]