[poem=font="Simplified Arabic,6,black,normal,normal" bkcolor="transparent" bkimage="http://www.alhejaz.net/vb/images/toolbox/backgrounds/2.gif" border="none,4," type=2 line=0 align=center use=ex num="0,black"]
زادنا يرقى بوافين الخصال = وطيبنا يسمو بعز الطيبين
يثمر ونجناه وعيال الحلال= ماتغير طبعهم في كل حين
لو يميل طويق مافينا ميال =ساسنا ثابت على تقوى ودين
ماوردنا غير بطوال الحبال= نارد العد الروي ومصدرين
مصدرين بعز وسيوف ٍ صقال= ونحمد المولى إله العالمين
والنذل لا مانعده راس مال =بالفلس بعناه في صاع ٍ ودين
شيمته بالوقت بجنيه وريال=بايع الشيمه بسوق البايعين
صنعته بين البشر قيلاً وقال = ماينظف عنه شط الرافدين
الردي مافيه عز وطيب فال=يتقلب كل ساع بنيتين
وللرديه والردى ذل وخمال =في عروق الدم تجري للبطين
من تحزم فيه ماحقق منال= ولا تهقوى فيه رجالا ً فطين
مايذري البيت ورواقه سمال=وشجرة التنباك ماتثمر بتين
والهزيله للرخوم وللهزال=وأبرق الجنحان ماصيده سمين
والثقيله للأصيل من الجمال= والمحابل من طبوع أبا الحصين
وما لقينا طيب فأشباه الرجال=وما يحفظ الطيب غير العارفين
وفالحقيقه والنهايه ياغزال =كيف تنطحني وأنا ضلعاً متين[/poem]

-----------------------------------فرج فراج الصبحي-----------------------------------------------