[poem=font="Simplified Arabic,7,white,normal,normal" bkcolor="green" bkimage="" border="double,9,sandybrown" type=2 line=0 align=center use=ex num="0,black"]
ياالفكر لاتشرد بعيدا عن البال = لاتتعب الافكار روحه وجيه
دور مخارج واكتب الحل للحال = مهما عصت دنياك ترجع هنيه
ياتيك مع عسرها زينة الفال = الشمس فيها شمس وظل وفيه
ياالفكر خليتني هم منهال = هوجاس قلبي دوم مني وفيه
اضحك وفي خاطري حمل الاثقال = ودموع عيني تفضح السر بيه
ياالفكر ليتك مع الحال رجال = كان اقتسم وياك كل القضيه
ماني من اللي للهواجيس مقيال = واللي من الله حق لو هو منيه
ياالفكر عينت لك جملة اقوال = لقيتها تخلف قلوب سويه
الرأس مايفقد العقل لو مال = مادام يأخذ ويعطي برويه
ياالفكر ان قصر الوقت او طال = خليك دايم يم رب البريه[/poem]