الدم يطلب الثار

[عبدالعزيز الشاطري]

[poem=font=",6,red,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
بشار والله مانت للخير بشار=وْلانت الاسد مادام فعلك فعل ثور
يالطاغية يابن الطواغيت الاشرار=من عهد ابوك وشعبكم يشكي الجور
بالله قلي من يذبّح هل الدار=يرسل لهم شبيحته مالهم دور
غير القتل والخطف من دون معيار=فعل الهمج شفناه في حمص والزور
وْدرعا وحلب والرقة وكل الاقطار=ارحل مادام الحلّ بيديك محصور
ماينفعونك من يمدّونك بنار=بكرة ليا طحت انكشف كل مستور
من دار فارس شرّ في باقة ازهار=تخفي ورى ضحكاتها حقد وشرور
العن من الكفار وانجس من الفار=تجلب مصالحها على بعير منحور
والله مالومك بعد كل ماصار=الوم من بيدينه الفعل والشور
اللي على ما حلّ يلحقهم العار=لو حالهم كالصمّ والبكم والعور
الدم توه مانشف يطلب الثار=منّا .. وعلينا الذلّ يبني له قصور
يا ربنا انصر سوريا وجيش الاحرار= وانصر بهم دينك على شرفة النور
وتعينهم فالحال والحال دوار=واللي على السنة بلا شك منصور[/poem]

[العنيني]

وْلانت الاسد مادام فعلك فعل ثـور

هذا الشعب مغلوب على أمره والدول العربية هي من ساعد بشار في السنوات الماضية