محاوره بين الشاعر وشجر الطلح فكاهيه

هذا الشاعر ضاع منه طير غالي عليه وذهب يبحث عنه فلم يجده ولم يجد من يسأله عنه الا شجر الطلح0

الطلح : -

يالطلح مامرك مع الصبح صافي
طير غدا لي والشمس حيه
أتلى العهد به راح يطرد مقافي
خبري به أومى بجناحه هنيه

رد الطلح وقال:-

لا والله الا مرنا العصر وافي
كنه غلام مستغير بفيه
أقبل عليناثم أخذ بانحرافي
يوم الحباري وقعن له سويه

قلت:-

يالطلح قل عل ما به خلافي
البارحه برد وشمال قويه
ان كان تعشى قلت عله عوافي
والحي يجمعه الولي مع خويه

رد الطلح وقال:-

لاوالله الا صاد خرب متعافي
وأخذ عليه من الثنادي شويه
لامفلس مره ولا قال كافي
يوم أخلفنه عن عشاه حقبيه

قلت: -

خابره والله قاطع ما يخافي
دايم على الصيده تجيله حميه
أنشدك باللي منبتك بالسوافي
عساه في خير ولا فيه سيه

قال الطلح:-

خبري به أنقرش في سبوقه اخلافي
مابه بلا وأمرح على هالحصيه
والفجر شخص بالنواظر وشافي
طلعه بعيد ويمته ساحليه

قلت: -

يالطلح ذا حبه ولا هوب خافي
متعادل حبه بحب البنيه
بعض الطيور ان راح قلنا عوافي
لاشك هذا وين أبلقى حليه

قال الطلح:-

أتعب عليه وعادة الحر يافي
أضرب سهلها والوعر والشغيه
يجيبه اللي رازق هالعجافي
بهايم تمشي على غير نيه

قلت -

يالطلح لك مني يابو غصن ضافي
لاجابه الله وكل نيه مطيه
لاجيك أنا في موتروالقش خافي
وأسقيك اللي باقي في تانكيه
وآطا على رملة سوافيك حافي
وكل على ماقيل يذكر خويه

الشاعر حمد السعيد
منقول منقول