'مراسلة مع الشاعر / علاء بن محمد جباره العلوني'

[وليد فران]

علاء
سلام وارفق به المضمون
..اللي من العام ماقلناه
يجوز دونه تحول شؤوون..
لاكننا ما تناسيناه..

وليد
يا مرحبا و إكشف المكنون
و أمراً حصل باقيه ذكراه
أهل الفكر كلهم يدرون
لو كان ماهو جلل تنساه

علاء
قلبي من الوقت جاه غبون
واظن جاكم مثل ما جاه
اللي لها منزله ماتهون
كيف العدو ضمها في حماه

وليد
مثلك تحيرت كيف يكون
هذا العدو كيف حط امضاه
ليتك و كل العرب يوحون
تكتب و تشرح عن المأساه

علاء
مادام سار الاًٍسا معلون
واضح كما الشمس شاهدناه
بالحق يجري لها قانون
ولا من الحق مستثناه؟

وليد
لا تترك المستمع مغبون
يسمع مثل و الهدف يخفاه
وللحق وين الذي يسعون
ويش الذي كمم الأفواه

علاء
في قولنا لو قريت بهون
ولديت عينك هنا وهناه
ماتقول قصد المثل مدفون
اللي العرب لامست بلواه

وليد
ياللي رسمت المثل موزون
الناس ما يعلموا فحواه
أوصيك دايم لها تدعون
لأنه المشتكى لله

ويصحابنا سامحونا
16 / 1 / 1438