كشكول خواطر جديده بتاريخ 23/04/2007 م

[ياسر الكبيدي]

[poem=font="Simplified Arabic,6,black,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/6.gif" border="none,4," type=0 line=0 align=center use=ex num="0,black"]
( 1 )

طرف الشقي من صدودك مل = ومن مدمعه مابقي باقي
وقلبك على حالته ماكل = ولاحسها حرقة أشواقي

( 2 )

على البحر جالسين إثنين = عشاق والود ثالثهم
وانا مجالس دموع العين = اللي من الود وارثهم

( 3 )

صوره لها العين مارتاحت = متقابلين الجسد والروح
لو إنها الروح ذي راحت = اللي بلا روح كيف يروح

( 4 )

موج البحر راق وإستلطف = لما نثرت المدامع فيه
قَلي لمن الهوى وقف = غزير دمعك عجزت أخفيه

( 5 )

دامك على صحبتي مابعت = وانا معك فل مايحتاج
عن حقنا ليه مادافعت = لما بخس حقنا هراج

( 6 )

سهرتني والعباد نيام = ناديت يامنتهى حبي
حبيت أقولك قبل لاتنام = تصبح على خير ياقلبي

( 7 )

ياجارح القلب بصدودك = قوم إتقي الله كلمني
قدام لاينحرق عودك = في نارك اللي تآلمني

( 8 )

سنين منك الجفى ذقناه = وش ردك اليوم ياجُرحي
سؤال وأبغى أسألك بالله = ماجيت ناوي على جَرحي

( 9 )

يامن سبى مهجتي وأقفى = لجل النبي رد وإحييني
تكفى ياسيدي ترى تكفى = هزت عروش السلاطيني

( 10 )

ساعة ظهور الشفق جيته = جلست في جانب وسلمت
ولجلي على القلب وليته = لين الشفق غاب ماأتكلمت
بكيت له لين بكيته = لجلي من الماضي تألمت
همست له يوم ضميته = ( مرتاح أحبك ولاعلمت )

مع خالص التحيه[/poem]