يا البدر يا اللي مبلش الليل والناس ، من دون ما تشعر وعينك لطيفة

[صالح محسن الجهني]

[poem=font="Simplified Arabic,6,white,bold,normal" bkcolor="royalblue" bkimage="" border="solid,10,royalblue" type=0 line=0 align=center use=ex num="0,black""]
يا البدر ياللي مسهر الليل والناس=من دون ما تشعر و عينك لطيفة
هون على روحك ترى طير قرناس=ما حام فالتاريخ من فوق جيفة
ولا قيل فالايام والرأي له ساس=أهل العقل صيد العقول الخفيفة
أهل العقل يرسون ما همهم باس=عيد القلوب النايفات النظيفة
هون ولا تنادي لو الفكر محتاس=وأصبر ترى الأيام تجري عنيفة
أعنف من التيار في نحر نسناس=وألطف على كل القلوب الشريفة
دوراتها فيها الأمم ذاقت الكأس=كأس الصراع أخبارهم بالصحيفة
في كل يوم أرواح لله وأنفاس=تزهق بليا أسباب دنيا مخيفة
وإن كان تعجب فالعجب ماله إحساس=ترى العجب طبع العقول السخيفه
والمرجفين أهل الفتن ناس أنجاس=شبابة النيران بأسهل وظيفة
نقل الحكي والهمز واللمز واليأس=والذم والتدليس بيع العجيفة
وأهل الوفاء والطيب للحرّ نوماس=في صمتهم مثل الجبال المنيفة
الخير مذهبهم وفي عالي الرأس=الفكر والحكمة وروضة مريفة
والصدق ديدنهم مثل جوهر ألماس=والصبر من طبع النفوس العفيفة
أبو محسن
[/poem]