الأزمة الاقتصادية العالمية !!!! .
بصراحة القول وقول الصراحة أذبحتنا نقوم ونقعد, ننام ونصحى على ذكر.. هالشبح الي يقال لها ازمة .
وسائل الاعلام هذه شغلته .حتى بعض القنوات الفضائية التي كانت لاتعرف غير سبق ولحق حصلت شغل وقام يخرج علينا خبراء اقتصاد وندوات .
المهم ان الواحد منا أصبح متأزم وانا اصدقكم شغل الاقتصاد ومايدخل تحته من تعريفات لاأعرفه واجهل الناس به, بل من اجل (مادة الرياضيات ذهبت للقسم الادبي في الثانوية ) يعني مالي في السوق ولا أهل السوق مصالح .لكن من كثر الطق على نغم هالازمه قلت ياولد شوف ما يقوله خبرائنا اأهل الاقتصاد عن الازمة؟ بالبلدي الفصيح هل الوضع مطمأن يعني بلدنا يلحقها شئ من البلوة الاقتصادية :
الجميع وعلى لسان رجل واحد يقولون حطو في بطنكم بطيخه صيفي على قولت اخواننا في مصر .
والصحيح اننا بالعين نمس من النموس الكبار من حبحب وأداي الدواسر ومعطينها جرمه .
والصحيح الواحد مر في أزمة الأسهم وكلا اصابه سهم وجرح .
وأزمة ارتفاع الأسعار للمواد المستهلكة والجرح منها ينزف قالو السبب ارتفاع أسعار الوقود .
والمصيبة نزل سعر الوقود ونار الاسعار تأكل الاخضر واليابس من الراتب.
وجماعتنا حقين الاقتصاد كل يوم يطلع علينا واحد و يقول: كمان خلوكم على البطيخ ...
الله ياجماعة الخير الدنيا قايمه وقاعده .وكلا يصرخ من الخساير وخراب البيوت.. أمريكا قامت تشحد حسب مايقولو.. بنوك عالمية قفلوها ...شركات رجال اعمال خسائر في المليارات .البطالة تجتاح العالم وانتم تقولون لاتخافون استمرو على الوصفه الخاصة بالبطيخ !!!! واشوف انك مزودها ..بعدين انت يالمقرود وش عرفك بالاقتصاد العالمي وأزمته .
.الاخ موظف؟ اقول نعم.
الاخ يستلم راتبه كامل آخر الشهر
الاجابة نعم .
أذا استخدم وصفت البطيخ وأنت عاقل.... وان حدث مكروه لاسمح الله ممكن نفكرفي تبديل البطيخ ...