الأخوة الأعضاء
أن من المعجبين بالشعر فهد عافت
وخاصةً هذه الأبيات المعروفة بفتنة الحفل
أحببت المشاركة بها

فتنة الحفل للشاعر فهد عافت

فتنة الحفل زيدي مشيتك بخترة
كل خطوة بروق وكل لفحه صهيل
باقي بين عقلي والجنون شعرة
اقطعيها يا شين عاشق مو هبيل
خلي الأرض تأخذ شكل غير الكرة
خلي النار تأخذ رمز غير الفتيل
من غذى الليل شعرك قلت انا بسهرة
ومن غذى الصبح وجهك قلت مالي مقيل
ارقصي .. ارقصي بين حد الذنب والمغفرة
ارحلي في سكونك واسكني في الرحيل
ارجفي كنك الماء فززته حجرة
واثبتي كنك الفضة بعين البخيل
وانحني مثل غصن في طرفه ثمرة
واوقفي مثل فزعات بدوي اصيل
والفحي علمينا كيف تقدر مرة
تزرع الليل صبح وتزرع الصبح ليل
في عيونك سواد يستحيل اخرة
كامنً في بياضاً اوله يستحيل
واحد تخزرين وما يجيك خبرة
اشهد انه عزيز واشهد انه ذليل
اترك العقد بين الجد والغشمرة
يخبر الناس وش معنى جميل في جميل
كن في الصدر ظبي عيوننا تذعرة
ينتفض يذعر الي مذعرينه قبيل
ومفرق الصدر حبة العرق تجهرة
كن لك عقد در وعقد من سلسبيل
بينهم حسد ربي بعد ما صورة
عقد وده يجف وعقد وده يسيل
اهـ ولا لمحتك مقبلة مدبرة
شفت مثلي نحيل زم حمل ثقيل
دام ذا عجز وش للناس بالمقدرة
دام ذا خصر وش لي بالخواتم بديل
وسط ثوباً خيوطه صمت في ثرثرة
به قليلاً كثيراً وبه كثيراً قليل
كل شيء بجسمك يفضحه يستره
فيه فتنه قصير وفيه حشمت طويل
كنه المخطي الي يطلب المعذرة
وكنه دامح الزله عن الي يعيل
في ردونه نقوش له سنابل ذرة
الله اعلم لو إن الريح هبت تميل
كل شيء ونقيضه فيك بالمسطرة
اقرب من النفس وابعد من المستحيل
كنك الكذب لكن محدا ينكره
وكنك الصدق ولكن ما في يدينا دليل
باشت الغيد زيدي مشيتك بخترة
لأجل أطاول بحرفي شامخات النخيل
شاعر تلمس إيدينك على دفتره
تغرق في أوسط أوزانه بحور الخليل