ابوزاهره وعبدالله باخت وابومديده في حفل زفاف الشاب / سعيِّد محمود السناني الجهني

[عبدالإله الشريف]

جرت هذه المحاورات أو الألحان
بمناسبة حفل زفاف الشاب
[frame="13 80"]سعيِّد بن محمود السناني الجهني[/frame]
وذلك في يوم الخميس الموافق 14 /12/1427
وكانت بين كلآ من الشاعر والأديب الإذاعي المعروف الأستاذ / عبيدالله أبوزاهره
والشاعر / عبدالله باخت الحمدي
والشاعر / ماجد ابومديده
____________
كانت المحاوره الأولى عصرآ في منزل الأستاذ عبيدالله ابوزاهره ....
وهو صديق حميم لوالد العريس وتجمعهم جيره منذ مده طويله
( اللحن الأول )
عبدالله باخت الحمدي وماجد ابومديده من جهه والأستاذ عبيدالله من جهه أخرى

[poem=font="Simplified Arabic,6,white,bold,italic" bkcolor="darkred" bkimage="" border="none,4," type=0 line=0 align=center use=ex num="0,black"]
عبدالله وابومديده
من جمعنا إستمع وش قال=اللي حضر للوفا راغِب
سلام شامل نقّي وعال=مصخي من القلب ومناسب
ابوزاهره
يامرحبا والدروب طوال=لأهل المعاريف والواجب
هات المثل وإرفع الموال=وأنا معي مسجِّل وكاتب
عبدالله وابومديده
جانا الوفا من ثقات رجال=ماينوب عن طيبهم نايب
كُل ماعدلت الحمول ثقال=والنوم عن ناظري غايب
ابوزاهره
ياصاحب القيل والأمثال=مهما على وقتك تعاتب
تلقاه من عادتُه ميّال=مايعرف العهد والصاحب
عبدالله وابومديده
صال الهوى فالفؤاد وجال=وأشعل مكانُه لهب لاهب
وأنا معُه في سهل وجبال=أدراه فالنون والحاجب
ابوزاهره
الود راعيه في غِربال=لو يبذل الجُهد ويواضِب
لوكان يطلب قدِر مثقال=ماحققُه طلبة الطالب
عبدالله وابومديده
ماكر وسوى عليا محال=ماهو مناصِر ولاسايب
كيف أتحصّل على الأمال=لاسار لي ضِد ومحارب
ابوزاهره
اللي معك يبخس المكيال=وإنته مداريه ومراقب
فالقلب لاتحُط له منزال=عِّدُه كما أمسك الذاهِب[/poem]

( اللحن الثاني )
أيضآ في منزل أبوزاهره

[poem=font="Simplified Arabic,6,white,bold,italic" bkcolor="green" bkimage="" border="none,4," type=0 line=0 align=center use=ex num="0,black"]
ابوزاهره
يا مرحبا الدار مستره = في حي يفرح بزوارُه
نبغى مع اهل الهوى فتره = يشرح بها القلب اسرارُه
عبدالله وابومديده
كلمة هلا زالت الحسره=والكل محفوظ مقدارُه
هات المثل وإعلن النشره = مبسوط لو طال مشوارُه
ابوزاهره
ليت القلم يسمح بجره=والا لنا يجود مسعارُه
وشرفتوا الدار لو مره = حتى الصفا يسير مسيارُه
عبدالله وابومديده
طيب النبا جالنا دُره=من راعي الدار في دارُه
عن داركم ما اقصر الجره =ولاتطاوِع القلب أعذارُه
ابوزاهره
آه الحقيقه تجي مُره = وترد للقلب تذكارُه
من شاب تُحسب له الخبره = والا يصالي لهب نارُه
عبدالله وابومديده
الشيب للادمي دبره = ويزيد فالعقل معيارُه
وانتم لكم فالامر نظره = مهما تعاني من امرارُه
ابوزاهره
مثلك مجرب وله فكره = في دولش الود واخبارُه
ما اصبر لبكره وبعد بكره = تطور القلب باطوارُه
عبدالله وابومديده
الود مسافته خطره = سلطان يا مكثر اضرارُه
مهما حصل ما منه عبره = ولا حي يسلم من اخطارُه[/poem]

( اللحن الثالث )
جرى بعد صلاة العشاء في مقر الحفل وعلى أنغام الرديح ولحن زمانين بينما اطربنا مديني
مغني صف املج بصوته الشجي في هذا اللحن الخفيف
وكان اللحن بين ماجد أبومديده من جهه وعبدالله باخت الحمدي من جهه اخرى

[poem=font="Simplified Arabic,6,white,bold,italic" bkcolor="blue" bkimage="" border="none,4," type=0 line=0 align=center use=ex num="0,black"]
ابومديده
الليله الأُنس لابس تاج=لأهل الوفا شرّع نظامُه
ماشي على القن والمنهاج=والطيب خلفُه وقدامُه
عبدالله باخت
جانا وفاكم وما يحتاج=صادر من الذات أنغامُه
لأهل الفرح والصفا مدراج=والجمع مشمول بأقسامُه
ابومديده
معك الوفا عانق الأبراج=ياسعد محمود بليامُه
والأن نبغى معاكم عاج=يوصِّل القلب لأحلامُه
عبدالله باخت
لجل الموافا لفينا أفواج=إنشاركه فأحسن أيامُه
فالليله اللي قمرها سراج=هات المثل وأنشر اعلامُه
ابومديده
بيني وبين الحبيب سياج=من جور ظُلمه وأحكامُه
كيف أشتكي مصدر الإزعاج=والقلب طوعه وخدامُه
عبدالله باخت
بالحِلم دوِّر على الإفراج=مادام في يدين ظُلامُه
وشوف الذي يحقق المخراج=قدام يقدِم على أعدامُه
ابومديده
لاتكُبني في عنا وإحراج=وتصُف في صف حُكامُه
إن كان عندك دوا وعلاج=خل الهوى يبري أسقامُه
عبدالله باخت
يبقى المعنّى على وهاج= مرهون عند الذي ضامُه
وصفة دوانا من الديباج=وتهون من شان فُهامُه
ويصحابنا سامحونا[/poem]
[grade="FF0000 FF0000 FF0000 FF0000"]*** كانت الليله عباره عن تقديمه لأهالي ( أملج ) يعبرون بها عن فرحتهم بالعريس ووالد العريس
*** فقد أقيمت لعبة العجل عصرآ ولعبة المقطوف بعد العشاء ولحن من ألحان الرديح ولعبة السمسميه ليلآ
الف الف مبروك للعريس سعيد
ووالده وجميع إخوانه[/grade]