شاعر يحضر زواج حبيبته ويلقي قصيدة للعريس

**دايم السعد** · 18-11-2009, 11:51 AM

شاعر يحضر زواج حبيبته ويلقي قصيدة للعريس - جريء بجد (من أروع ماقرأت)
ـــــــــــــــــــــــ
هذه قصيده وجهها عاشق لعريس عشيقته ليله الزفاف
قصيدة رائعة ومؤثرة بالفعل ؛ التي تجبرك على قراءتها للنهاية .
وإن شاء الله تحوز على رضاكم .

أبد .. ما جيت أبارك ولكن جيـت باوصّيـك = على الله ناوي ٍ تدخل بهـا الليلـه .. مُعذّبْتـي
ترى لولا الظروف اللي عطتْك وحدّت محاكيك = قسم بالله ما تدخـل عليهـا لـو علـى رْقبْتـي
ولكنّ النصيب اقوى ولا ادري ويش اسوّي فيك = نعم .. صارت معزّبتك .. ولا صارت معزّبْتي
كذا شاءت بنا الأقدار تحرمني لأجـل تعطيـك = كذا لازم عشان تفوز إنت .. أخسـر بتجربْتـي
تراها غاليه جـداً .. وتكفـى .. والله يخليـك = تـدللها .. تدلعهـا .. تنسّيـهـا مصاحبْـتـي
أنا من كثر ما اغليها أحس اني بديـت اغليـك = ولا تسـأل بأيّـة حـق ولا ّ وش مناسبْـتـي
لإنك لو بتسألني بتسمع شـيء مـا يرضيـك = لـذا ياخـوي لا تسـأل ولا تسمـع لأجوبْتـي
أبيك تحطها في داخل عيونـك وبيـن ايديـك = وهي دلوعه اعتـادت علـى كثـرة مداعبْتـي
فداعبها شوي شوي حتـى تشتهـي طاريـك = وشاغبها إليـن تقـول لـك: بطّـل مشاغبْتـي
واذا هي مالها خلقك..ولا تضحك ولا تسلّيـك = تحمّلها وإسألهـا: يـا عمـري ليـه عصّبْتـي
وبالك اسمع انّك يوم تضربها وهـي تشكيـك = ما يحتاج اورّي لـك بفـن الضـرب موهبْتـي
صحيح انك بتملكها ومعك العقد بالتمليـك = وانا عارف حـدود الله ومـن حقـك معاقبْتـي
ولكن قلّها المجنـون وصّانـي وهـو يعنيـك = يقـول انّـه بينتظـرك ولـو شيّـب وشيّبْتـي
وانا مجنونها اللي ما نساها وانت مـا يمديـك = تغطّي ذكرياتي في هواهـا.. وربْـع تجربْتـي
أحس اني تماديت بكلامي .. والغضب حاديـك = ولو انّك في مكاني مـا تفكّـر في محاسبْتي
كفاك اني تركت الليله اشغالي عشـان اجيـك = دخلت القاعه برجلي ولا ادري ويش عاقبْتـي
انا ما جيت اخرّب عرسك الليلـه ولا آذّيـك = أنا جيتك عشان اخاطبـك واسمـع مخاطبْتـي
توصّى ..وانتبه.. واحرص عليهـا والله يهنّيـك = ترى كل الكلام اللي طلَع مـن ضيقـيَ وكبْتـي
ولكن ما قدرت انّي أقوله وانـت مـا يخفيـك = أخـاف انّـي إذا قلتـه تقـوم وتقطـع رقبتي

**تاجر الفل** · 18-11-2009, 12:57 PM

خبصها مابقي شيئ ماقاله 000

**أديب الشبكشي** · 18-11-2009, 01:59 PM

قصيدة رائعة ومؤثرة بالفعل تجسد معاناة عاشق لعشيقته
دايم السعد تقبل تحيتى

**hamad** · 18-11-2009, 04:20 PM

ماينلام والله من عشق ماينلام

**أم العباية** · 26-11-2009, 04:05 AM

[ALIGN=CENTER][TABLETEXT="width:70%;background-image:url('http://www.alhejaz.net/vb/backgrounds/22.gif');background-color:black;"][CELL="filter:;"][ALIGN=center]يادايم السعد ويش اللي سويت فينا = قصيدتك هيجت فالقلب ذكراهم
حبايب كانوا للقلب مرسى ومينا = و ما صدقنا الأيام تخلينا ننساهم
حق الله النوم اليوم بسبتك يعصينا= وبنرجع نعاني من زود الوله بيهم[/ALIGN][/CELL][/TABLETEXT][/ALIGN]محاولة متواضعة مني

**أم العباية** · 26-11-2009, 04:48 AM

يادايم السعد ويش اللي سويت فينا = قصيدتك هيجت فالقلب ذكراهم
حبايب كانوا للقلب مرسى ومينا = وما صدقناالأيام تخلينا ننساهم
حق الله النوم اليوم بسبتك يعصينا = وبنرجع نعاني زود الوله بيهم

مسمار جحا؟ · 26-11-2009, 12:20 PM

قصيده راقيه ومحزنه جدا جعلتني اتخيل اني في مكانه

الله يصبره ويرزقه بأحسن منها

**نور البحر** · 26-11-2009, 11:05 PM

مشكور أخي دايم السعد على القصيدة الجميلة
بس لي طلب الله يجزيك خير أنا أحد المعجبين بمواضيعك
المميزة الطلب كبر خط الكتابة وترك الخط الصغير وكل
عام وأنت بخير