[frame="7 80"]بـمـشـي عـلـى درب لـه الـنــاس يـسـعــون
واصــد عــن درب الــدجــي والـعـتــامــة


وبـقـصـر الـيـسـرة عـن الـضـيــم والـهــون
وطـلـق يـمـيـنــي لـلـصـخــا والـكـرامــة


وبـحـتـرم نـفـسـي وانـا شـخــص مـمـنــون
ومـن يـحـتـرم نـفـســة وجــوب احـتـرامــه


مـانـي مـن الـلـي فـي ذرى الـحـيـط يـمـشـون
ولامــن الـلــي مـعـتـلــي فــي مـقـامــه


مـتـواضـع وأمـشـي عـلـى الـحـق بـالـهــون
مـتــوســط الـمـعــرفــة والـشــهــامــة


ولـي مـجـلـس دايــم لــه الـنــاس يـلـفــون
شــرعــت بــابــه والـــدلال الــعــلامــه


مـايـفـتــح الا فــيــه الاجـــواد يــدنــون
ويالله عـســى الـلــي يـقــرب لـلـســلامــه


هــذا طـريـقــي وكـثــر الـنــاس يـــدرون
صــديــت عـــن درب حــلالــه حــرامــه


مـيـزت ربـعــي بـيــن عـاقــل ومـجـنــون
واكـشـف بـلـيـد الـمـنـفـعـة مــن سـلامــه


واهـل الـمـصـالـح لـو عـلـى يــوم يـبـنــون
فــي يــوم ثـانــي يـرغـبــون الـهــدامــه


واهـل الـحـكـي لـو لـك عـن الـنـاس يـحـكـون
بـيـجـيـك يــوم ويـقـصــدك فــي كـلامــه


لاصـار سـيـفـة لاقــرب الـنــاس مـسـنــون
يـضـرب رفـيـقـة وان اقـوى فــي عـضـامــه


نـاس مــع الـكـلـمــة يـروحــون ويـجــون
بــس الـمـصـيـبــة يـدعــون الـفـهــامــه


ولانــيــب ديـــان ولانــيـــب مــديـــون
ولا بـغـيــت مـــن الــهــروج الـمــلامــه


ولاطـلـبــت مــن الـمـخـالـيــق يـبـكــون
ولا بـغـيــت مــن الـحـزيــن ابـتـســامــه


بـمـشـي بـدربـي واتـرك الـنــاس يـمـشــون
كـلـن عـلــى كـيـفــه رقــى كــل هـامــه


ولا صـرت انـا مـن راعـي الـطـيـب مـطـعـون
ابـيـسـتــوي قــرب الـرفــيــق وعــدامــه


وأن خـاب ضـنـي بـأقــرب الـنــاس وشـلــون
بـعـطـيــك ضـنــي يـارفـيــق الـنــدامــه[/frame]