ساق المعنّـى ونّـةٍ فـوق ونّـه

[النادر]

[poet font="Simplified Arabic,4,white,normal,normal" bkcolor="black" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مما يقال عن بنات الجيل

ساق المعنّـى ونّـةٍ فـوق ونّـه=واصدر على كثر الونيـن البيانـي
عزّيل من بعـض البنـات افتننّـه=وامسى على ما شاف منهن يعاني
تلّـن معاليـق الفـؤاد وعطـنّـه=جـرحٍ غدالـه بالضّمايـر مكانـي
هـو مـن لثـامٍ للمباسـم طونّـه=حمر الشفايف يظهـرن والمثانـي
ولاّ نقـابٍ بـالـزّري زخرفـنّـه=يلمع كما تلمـع جديـد الصّوانـي
أو هـي عبـاةٍ للفسـق يلبسنّـه=وارد فرنـسـا والله المستعـانـي
مفتوحـةٍ واللـي خفـا يظهرنّـه=يشبح بها من كان قاصـي ودانـي
تِبدي مفاتنهـن علـى كـلّ سِنّـه=مبرومـةٍ وحبالهـا اللـي دهانـي
شّـيٍ دناديشـه اطـوالٍ وكـنّـه=مسباح شيخٍ من هـل التركمانـي
والطّيب ريحـه سابـق ازوالهنّـه=عطرٍ تهيّض له عفيـف المجانـي
والجنـز لونـه ياعـرب شكّلنّـه=مرصوص ومزركش على طبع ثاني
منهـا كتابـاتٍ عليـه انقشـنّـه=يبيلهـا مـن كودهـا ترجمـانـي
الموت الاحمر ضحكـةٍ يضحكنّـه=يرقـع صداهـا طبلتيـنٍ بـذانـي
سافـراتٍ والحيـا هـن وطـنّـه=داست عليـه اقدامهـن بامتهانـي
مالـوم عـودٍ بالدلـع هيّضـنّـه=وش عاد ورعٍ هيّضتـه الأغانـي

[/poet]


أخي النادر اسمح لي بنقلها الى مكانها المناسب وهوقسم الشعر الشعبي