[align=center]هذه قصيدتي التي شاركت بها في برنامج شاعر المليون وأجيزت من قبل اللجنه[/align][poem=font="Simplified Arabic,5,#000000,bold,italic" bkcolor="" bkimage="" border="inset,10,#400000" type=0 line=0 align=center use=ex num="0,#400000"]
[poem=font="Simplified Arabic,5,#000000,bold,italic" bkcolor="#FF1F00" bkimage="" border="inset,10,#400000" type=0 line=0 align=center use=ex num="0,#400000"]
[poem=font="Simplified Arabic,6,#000000,bold,normal" bkcolor="#FF2E00" bkimage="" border="inset,10,#400000" type=0 line=0 align=center use=ex num="0,#400000"]
ارقى المعالي ياشعر بالمعاني=لاتنتهي من دون رتق الطويله
انته سفير الهاجس اللي غشاني=سنّدبي العليا مقام الفضيله
ابني صروحك من شداد المباني=خلّك معي وقت المساري دليله
قود الأمل لاما غدربي زماني=صبّح مسايه بالرجا فالجميله
خذني علالي عن حدود الطماني=واترك مطاريق الجهل والرذيله
ارفع ذليله من فقر وامتهاني=دون الشرف سامت جهدها دخيله
اظهر غريق(ن) مالقيله مواني=واجبر كسير(ن) مابقاله وسيله
اجلا الكداره عن وليّ العواني=وانسج خيوطك للأماني خميله
ادحر صفوف المعتدي بالهواني=لحّن صدا صوت المظاليم شيله
يفزع لها بالعون قاصي وداني=تجمع شتات القوم بعد الغليله
ربّت على كتف الخوي لاحتواني=واهديه من طيب المعاني جزيله
اشكر صنايع من جميله ضفاني=دايم يشيل اخفافها والثقيله
قدّر وثمّن فرزة اللي نصاني=خلّيك من مقفي تبعله مخيله
واتجاهله غمز الرّدي لو عناني=واحذر تبارز من نوالي فشيله
باري ثقات القيل واكسب رهاني=دندن على عود الجزل والصميله
جزل المثل مايعذربه قول شاني=حكمه تفك المنشبه والعضيله
برهانها يفلج حجج من عصاني=دايم حكم فالقايله والظليله
منطوق يبقى فالدهر لو بكاني=موروث يقناه الولد والقبيله
هذي مخابر عدّها عن لساني=ياقاف ينضح من معاني جليله
انته سفير الهاجس اللي غشاني=سنّدبي العليا مقام الفضيله[/poem][/poem]


[/poem]