كسرات موجهه للشاعر ( محمد جميل الريفي ) في إصدار كتيب غباوي رمضان 1425هـ

[إدارة المجالس]

[align=center][/align]
[align=center]عميد الغباوي الشاعر : محمد حميل الريفي[/align]

[align=center]
الكسرات التي وصلت للشاعر محمد جميل الريفي من عدد من الشعراء وتهنئتهم له
بإصدار كتاب غباوي رمضان 1425هـ
والتي طُرحت في منتدى المجالس الينبعاوية.[/align]


[align=center][/align]
[align=center]صورة غلاف الغباوي لعام 1425هـ[/align]

[poet font="Simplified Arabic,5,indigo,bold,normal" bkcolor="transparent" bkimage="backgrounds/23.gif" border="none,4,gray" type=0 line=200% align=center use=ex length=0 char="" num="0,black" filter=""]

عبدالرحمن بن صديق
قاريت مانصه كتابك= واعجبت كل العجب ياخال
اذكرك ياخال في غيابك=وافخر بفنك شعر وأقوال

محمد جميل الريفي
حنا بالأمثال نقدابك=ومنكم شربنا قراح زلال
مع الزمن ماقفل بابك=من جود ذاتك وطيب الفال
*****

عايش الدميخي
من يدك جاني سفر رائع = ثالث نتاجك من الغبوات
تعيش وتسلم الرابع = وكل عام لك فيه ابداعات

محمد جميل الريفي
لك حق ياحضرة البارع = في كل ماتنتجه بالذات
يوصلك مايمنعه مانع = ويبقى مع الوقت ذكريات


*****
طه بخيت
جانا كتابك عساك تدوم=وكل عام تحفل نوادينا
إنته تفضل وانا ملزوم= أقدم الشكر ياخينا

محمد جميل الريفي
الطيب جانا عنه مرسوم=ومشاعره دوم تروينا
ياعد بالمعرفة محشوم=رايك والإحساس يكفينا

*****
احمد الدبيش
شكراً على إهدائك الرائع=اللي حوى مثمنات الصنع
واكبر فخر مصدر النابع=من ديرة المفخرة ينبع

محمد جميل الريفي
لاشك ينبع لها طابع=متميزة بالكلام السنع
وانته بها المعرفة بارع=وتدوم ياحضرة المرجع

*****
عواد عبدالغفار
كل الغباوي قريناها = الصادرة من أولى الألباب
من لاعجب لغز معناها = ومسجلة للملاء في كتاب

محمد جميل الريفي
هاذي الاماني ونلناها = مجهودنا يوصل الاحباب
وماتكتمل درب سيرناها = إلا بتشجيعكم ياحضاب

شتيوي عبدالله الرفاعي
أهديتني ياالحبيب كتاب=عظيم في أوله وأتلاه
ظني على اللي حواه تثاب=بعد اطلاعي على فحواه

محمد جميل الريفي
واجب ولالي عنه مجناب=ود الموديين ماننساه
ياعد من خِيرة الأصحاب=وافي وطبع الوفا مبدأه

*****
ناصر الحجوري
اصدر محمد جميل كتاب=لهل الغباوي ثمين وكنز
وجاني كتاب الأديب الشاب=هديه افخر بها واعتز

محمد جميل الريفي
جانا نسيج المثل منساب=وتشجيعكم حقق المنجز
انته بها الطيبة كساب=لهل القوافي ميراد ورمز

*****

الشريف محمد بن هيلون
جانا كتابك ومضمونه=يسوي كنوز الذهب والمال
يامن للأصحاب تهدونه=تشكر ودايم على أحسن حال

محمد جميل الريفي
أبو شرف هلت مزونه=متوارث الطيب عم وخال
نحفظ لك الطيب ونصونه=ومشكور ياطيب الأمثال

*****
الشاعر/ البنك
من واقع القيد وأرشيفي=حسب التداول الين ألان
لاتفوتكم أسهم الريفي=كل مالها تزيد فالأثمان

محمد جميل الريفي
مشكور من شان توصيفي=ياعد للمعرفة عنوان
فأقوالكم زاد تشريفي=وما ينكر طيب من شيهان
*****
فريج ابو مديدة
ليت الشكر يوصل وشامل=تتسبقه اجمل الباقات
وشكري لجل جهدكم كامل=جعله ذخر يطرد السيات
وصلت هدية ابو جامل=والمفخره مع رجال ثقات
واقولها ماني مجامل=هُو مدرسة وسيد الغبوات

محمد جميل الريفي
عذب المثل منك متكامل=اللي قريناه فالشاشات
تمشي مع الطيب وتعامل=وعندك في نهج الوفاء سيمات
انا لهذا الأمر صامل=ابدل من الجهد والخطوات
وشكرك وصل والذي أمل=يوصلك شكري على الابيات

*****
محمد حامد السيد
عميد في عالم الغبوات = مبدع بجهدك وتنظيمك
مجهود رائع لكم بالذات=تستأهل وشاح تكريمك

محمد جميل الريفي
عندي لكم فالموافى إثبات=وافخر برايك وتقديمك
وتدوم ياراعي الفزعات=الله يخليك ويديمك

*****
عبدالله ابوغمري
لابوجميل الذي نغليه = يشكر على طالع المرسول
كتاب الغباوي على قاريه = يمعن نظر فيه عرض وطول
يلقى الايات التي تحويه = فيها المعاني لها مدلول
لما اطلعنا على قافيه = اوضح لنا جهدك المبذول
لنا امل جهدكم تمضيه = حتى يحقق لنا المأمول
ويامحرر الخط ياقاريه = ياعل عمرك سنيين تطول

محمد جميل الريفي
يامرحبا والنبا محريه = والود بيناتنا موصول
وماينكر طيب من راعيه = وراع الوفاء فالموافى كمول
مايضيع جهد الذي بانيه = مادام يلقى كبار عقول
إثمن القيل وتمعنيه = وتدوم ياحضرة المسؤول
وجهداً بذلناه ونميه = يبقى مع الذاكره مايزول
وتشجيعكم كل مانرجيه = يجعل طريق الصعاب سهول

******
محمد مسعود الصيدلاني
جتنا هديتك يالغالي = ياراعي الطيبة مشكور
ذكراك دايم على بالي = راعي الوفاء مايجيب قصور
ياجيد الاب والخالي = الطيب دايم لكم مذكور
انساب من فرعها العالي = اللي في طي السجل مقرور

محمد جميل الريفي
منك المثل عذب وزلالي = اللي منه خاطري مسرور
وطيباً على طيب متوالي = والطيب كمله لكم مشهور
تبقى على العهد طوالي = ميراد لاهل الوفاء مخبور
وانتم لكم قدر واجلالي = صقور تاتي بعدها صقور

********
[/poet]