جرت هذه المراسلة بيني وبين سعد محمد سعد الشريف بتاريخ 4/5/1424
حيث بدأته بالسلام :[poet font="Simplified Arabic,5,darkred,bold,normal" bkcolor="transparent" bkimage="backgrounds/23.gif" border="groove,5,gray" type=0 line=200% align=center use=ex length=0 char="" num="0,black" filter=""]
مكسراتي
رغم الأسى وإنشغال البال=وغصباً عن القلب دون رضاه
سلام وأطوّعه فالحال=ويطيب لنّه لفى ملفاه

سعدالشريف
مهما قصر من كلام وطال=ترحيب نابع لكم بمضاه
يعده الجيل بعد أجيال=وافي وزود الوفا يكساه

مكسراتي
إلقي لنا البال فالأقوال=وإستنتج الوضع من مبداه
سبّقت لك فالكلام أحوال=وأبغى معي تمسك المجراه

سعد الشريف
هات الذي فداخلك مازال=وإشرح لنا وضّح المأساه
فالكون ياما نشوف أهوال=يسلّم لها المبتلي يمناه

مكسراتي
في باحة الود فكري جال=أبحث في نهجه وغزر لغاه
ولا صرت مقبل عليه إقبال=يطشني في بعيد عراه

سعد الشريف
هيا إستمع فالذي ينقال=وإبقى على منهجه وخطاه
إسعى لعلك تنول وصال=ويلين قلب الذي تهواه

مكسراتي
ما شفت لي من جنابه خْيال=ولا لاح بارق أمل في حداه
ومع لجّته في دَرَك وجْدال=متلاطم الموج حول حماه

سعد الشريف
أبغى أدلّك على منزال=وأبغى فؤادك معي يقداه
مادام جاك الأسى بأشكال=وبان الجفا في دروب مشاه
لا تَـتْبع اللي عليك إحتال=وهَدّ الغلا بالذي سواه
إقفي لعله يطيب الفال=ولايهل دمعك على فرقاه
[/poet]