محاورة تمت مع احد الاصدقاء يرفض وضع اسمه مبدع سأحاول تسجله بالمجالس لما يمتلكه من ابداع وكانت عبر الجوال ليلة زفاف ابو مديدة
[/poet] [poet font="Simplified Arabic,5,white,bold,normal" bkcolor="teal" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الصديق
عبر الاثير الذي بالكون = ابعث سلامي لكم تكميل
نبع الوصل بيننا محزون = واخاف نهره يعود غيل
خليل
يامرحبا والظروف تهون = وحنا ندور على التسهيل
ولاحان وقته انا مضمون = والنهر باقي معاك يسيل
الصديق
مادام ودك لنا مرهون = وبيناتنا غاية التبجيل
ابغاك تسمع لحن وشجون = تاخذ وتعطي معي فالقيل
خليل
ابشر وهات الذي مكنون = في داخل النفس للتفصيل
لجلي معك بالّحن مفتون = ياراعي الفن والتأصيل
الصديق
قلبي يعاني ألم وحزون = من الواقع اللي علينا يكيل
مثل الّذي في عذاب الهون = لاحل يملك ولاتحويل
خليل
ماحي سالم بدون طعون = كلاً بهذا الزمان يشيل
وان كان ودك حكم موزون = ابغى اخضع الوضع للتحليل
الصديق
كل ما استنارت لديّ شئون = يظهر لنا بالأفق تقفيل
انا00واللي معي يسعون = نرجع حيارى بلا تحصيل
خليل
دوّر السهل واعرف المخزون = واعمل دراسات للتأهيل
واذا لقيت الامر مسنون = ابعد عن القيل والتأويل
الحر يرضى بقليل يصون = والوقت ما يقبل التأجيل
ويصحابنا سامحونا
[/poet]