كــــذب وحســــــــــــــــــــــــــــــــــــــــــد

[ضمن السناني]

شرفني أخي الشاعر/صالح بن عبدالله الزرير التميمي بقصيدة رائعة وبمجموعة
كبيرة من دواوين شعراء القصيم0
والشاعر صالح التميمي شاعر علم له العديد من القصائد والألغاز التي نشرت في جميع صحف المملكة بالاضافة لمشاركة في الاشراف على تأليف كتب الألغاز مع الشاعر الكبير ناصر المسيميري0

ويقول في قصيدة الموجهة [poet font="Simplified Arabic,5,crimson,normal,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=ex length=0 char="" num="0,black" filter=""]
ياضمن ابن عواد ياطيب الفال=يالصاحب اللي لك بقلبي معزه
أهديك أنا من خاطري جملة أقوال=ومعهن سلامي يالسنافي نكزه
ومن بعده اكتب ماطرالي على البال=شكوى عسى له في ضميرك مفزه
وشكواي والله من قبحين الأفعال=اللي يذمون الملا بكل حزه
مضاية الأوقات بالقيل والقال=اللي لنا بأفعالها مستفزه
كذب وحسد وأيضاً خبيثين وأنذال=كم واحداً منهم بقلبه مجزه
إليا جلسوا في مجلسٍ شرهم طال=حاضر وغايب يحسبونه معزه
افلان فيه العيب وافلان بطال=وافلان شين الطبع مافيه عزه
ذا طبعهم لاشك في كل الأحوال=كل واحد الشيطان للشر أزه
ولو فيهم نبرق لقيناهم أحثال=أردى الرجال أشكالهم بس رزه
عيوبهم تلقابها ألوان وأشكال=وفوق هذا للخلايق مجزه
مير أطلب الله منزل اقرا والانفال=اللي دحر لابليس أيضا وخزه
يهدي الجميع ويرحم بيوم الأهوال=يوم الملأ من هولته مشمئزه
ويجعل لنا في دار الأبرار منزال=مع النبي اللي عن العيب نزه
قدمت لك شكواي يانسل الأبطال=وارجو السموحه كان بالقول هزه
يالشاعر اللي لأجمل القول فتال=بيرقك لأهل الشعر دايم ترزه
واسلم وسلم لي على كل رجال=شرواك يامن فيك للخير فزه

[/poet]

صالح بن عبدالله الزرير التميمي/القصيم/الرس