السلام عليكم ورحمة الله و بركاته
انا اسمى محمد ايهاب احمد جمال من مصر خريج هندسه مدنيه جامعة القاهرة هذا العام عندى 24 سنه انا بكتب الرساله دى لكل اهل ينبع و بقولهم وحشتونى اوى علشان انا كنت مقيم فى ينبع منذ اكثر من 15 عام و بالتحديد فى الفترة من 1414 الى 1416 هجرى و كنت فى سنه تانية ابتدائى و تالتة ابتدائى بدرس فى مدرسة عزيزة عليا اوى ( مدرسة الشاطىء الابتدائية ) اللى كنت قضيت فيها سنتين من احلى سنين عمرى و اللى لسه مدرسيها و معليميها الافاضل دايما بتذكرهم بكل خير و أولهم مدير المدرسة الاستاذ / ابراهيم الصيادى و من اعز المدرسين اللى كنت بحبهم اوى مدرس اللغة العربية احمد حامد المورعى و الاستاذ جلال خلاف مدرس العلوم و الاستاذ ناجى شتيوى و الاستاذ عمر الصبحى و الاستاذ عبد الله غلام و الاستاذ يوسف مدرس الرياضيات و معلم مادة الخط محمد الجهنى انا اول مرة اشارك فى هذا المنتدى و اتمنى لو تصل مشاركتى دى لاى واحد من الناس دى نفسى اعرف اخبارهم ايه و يا طرة ممكن واحد منهم يفتكرنى خصوصا انهم دائما ماكانوا يثنوا على مستواى حتى لما كنت ماشى من المدرسة خليتهم يكتبولى كلمات للتذكار على الاوتوجراف الخاص بى حتى اننى لازلت احتفظ به الى الان و على فكرة انا منزلكوا التذ كارات دى تحت الكلام و اللى ياريت حد منهم يقراها و يفتكرنى و كمان صورة منزلى موجودة , انا كنت ساكن جنب المدرسة على طول امام الدفاع المدنى بينبع و ياريت يا اهل المنتدى العزاز ان حد يرد عليا فى الموضوع ده انا عايز اوصل للمدرسين دول باى طريقة لو حد عنده اى معلومات عن المدرسة دلوقتى او يقوللى اخبارها حكون شاكر ليه جدا جدا جدا اخوكم المصرى ابن مدرسة الشاطىء محمد ايهاب