[align=center]منقول من إحدى الأخوات

=
=
=
=
=

يا خواني يا خواتي

نصيحة لكم من اعماق قلبي

تعرفون ان في الفتره هذه انتشرت اللابتوبات اللي فيها كاميرا
واي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا

لكن اللي اغلبكم ما يعرفه انه انتشر برضو برنامج يشغل الكاميرا بالمسنجر او السكايبي وانت ما تدري
يعني راعي البرنامج يدخل عليك ويشوفك وانت تحسب كاميرتك طافيه
والادهي والامر انه حتى الشخص اللي انت ما سويت له قبول يقدر يشغل كاميرتك عن
طريق الرسالة الفورية <<< هذه ميزة بمسنجر بلس

واللي خلاني اكتب الموضوع هالسالفة

يوم الاثنين اللي فات كنت رايحه لواحدة من اخوياتي
وهالبنت انا افهم وش فيه من تعابير وجهة
وشفتها مبين عليها الهم والغم والدنيا مو شايلتها
سالتها وش فيك ؟

وقالت سمعتي عن البرنامج اللي يشغل كاميرا النت

قلت لها ايييييه وش بلاه

قالت انا يوم السبت تاركه ماسنجري مفتوح واللابتوب مشغل
ورحت اتروش ورجعت ابدل بغرفتي
تقول شويه واسمع صوت المسنجر اللي يطلع لو احد كتب لك كلام
ولما دخلت الا واحد يقولي شخبارك ومن هالكلام وما امداه اخذ دقيقتين الا يقولي
بوريك شيكي على ملف فيديو
قبلت الملف الا المسكينه شافت نفسها وهي تبدل

اخذت وعطت مع هالولد
الولد قالها اذا ما تبين المقطع ينتشر ادفعي لي 1000 ريال شحن سوا ترسلها لي

طبعن خوييتي ما وافقت لانها عارفه ان الولد بيرجع لها مرة وثنتين و3

الولد للاسف عمره 21 ومبين عليه ( طعس ) وعاطل ومو هامه احد
حتى لما خويتي قالت اتق الله فيني قالها مو شغلي ولا تفتحيلي مواضيع دين

المهم ان الولد مهدد انه ينتشر المقطع وخويتي من صار الامر وهي مصدومة وحالتها حاله وخايفه

والسبب كله كاميرا اللابتوت اللي حنا فرحانين فيها

عشان كذا نصيحة مني لكم شوفو لها حل
غطوها بورقه او كسروها وجيبو وحده خارجية او حطو عليها علك <<< الاخيرة فكرة هنود ما تلاحظون

حبيت انبهكم وبس والباقي عليكم


الله يستر على الجميع

الله يعدم جهاز الولد راعي البرنامج والله يهديه او ياخذ روحه ويفك الناس من شره
قولو امييييييييين[/align]