[poem=font="Simplified Arabic,6,black,normal,normal" bkcolor="transparent" bkimage="http://www.alhejaz.net/vb/images/toolbox/backgrounds/45.gif" border="outset,4," type=0 line=0 align=center use=ex num="0,black"]
لو يوضـع الحـب فالميـزان = كم فاعتقادك يكون الـوزن
ولــو قـرنـاه بـالأحــزان = من الذي ترجحـه عـن مـن
كم فالشجرمن ورق وأفنـان = وكم فالأراضي من المعـدن
كم وزنهـا الأرض بالأطنـان = وكم انزل الله سلـوى ومـن
كم ثار فالنفس مـن أشجـان = والنفـس للمشتهـى مكمـن
إسلامنـا خمـسـة الأركــان = وإيمـان فـي مرتبـه اثمـن
وأعلى المراتب يجي الإحسان = راعيه مـن الصفـوف أيمـن
إن كان مقصودنا لـك بـان = نستسـلـم بربـنـا نـؤمــن
أرسـل لنـا مثلنـا إنـسـان = ورسالـتـه شامـلـه للـجـن
أوحـى لــه الله بالـقـرآن = على جميـع الكتـب هيمـن
الله مـن أسمائـه الرحـمـان = حـزبـه يبلغـهـم المـأمـن
هيـأ لهـم واسعـات جنـان = فيهـا مـالا شافـت الأعيـن
وما جال في صافي الأذهـان = ولا سمعت بشيء منـه الأذن
والحزب الأخر حزب شيطـان = بنيه من العنكبـوت أوهـن
فالأخـره يصالـي النـيـران = وشربه مـن السائـل المنتـن
عليـهـم تـوصّـد البيـبـان = في قـاع نيرانهـا استوطـن
من يبخـل يصاحـب الثعبـان = أموال في صرفهـا مااحسـن
في كفته خفّت الأوزان = هـذي محاصيـلـه الأرعــن
ياكـم شيّـد مـن البنـيـان = وعن مقصده بالسفـر اعلـن
ولاجا يحكّيـك باللـي كـان = عن ماهو أسوأ من أسوأ ظن
يزعـل إذا قلتلـه غلـطـان = ويقول منته من أهـل الفـن
محـزن إذا عميـت العينـان = وعمى البصيره هـو الأحـزن
يانـاس ماللـزمـان آمــان = قـول الـذي فيـه متمـعـن
من يطلـب لنفسـه اطمئنـان = تلقى المصائب عليـه أهـون
للنفـس عـن الهـوى سجّـان =فالعاقـبـه فـكّـر وأمـعـن
حفظ لسانـه وعرضـه صـان = وإيمـان فالقلـب متمـكـن
اللـي سبـق علـق النيشـان = كسـب رضـا ربـه المؤمـن
كـلام صادرمـن الـوجـدان = لكـل مـن قولـنـا يثّـمـن
ارجـو بهـا لطفـه الديـان = ولرحمـتـه ربـنـا ازبــن[/poem]