مرثيه الشاعر عبدالرحمن مسعد العنيني بوالده الشيخ مسعد سالم العنيني رحمه الله

[صدق المشاعر]

كتب الشاعر / عبدالرحمن مسعد العنيني الجهني قصيدة مرثيه مؤثره عن والده / الشيخ مسعد بن سالم العنيني الجهني شيخ قبيلة العنينات من جهينه الذي وافاه الأجل في اليوم السادس عشر من الشهر الخامس من عام 1431هـ وهو احد مشائخ جهينه البارزين عرف بحسن الأستقامه والصفات الحميده والمواقف المشرفه له اسهامات اجتماعيه جليله وفقده فاجعة كبيره على قبيلة جهينه عامه وقبيلة العنينات خاصه وكل معارفه وأصدقاءه .. رحمه الله وأسكنه فسيح جناته واقل مايقال عن ذلك الشيخ العلم هذه المرثيه سألين الله له المغفره والرحمه.

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black""]

مرحوم ياشيخـا تـوالاه مـولاه=عسـاه للجنـه سـلام بسلامـي


حل الفـراق ومنتهـى الأمـر لله=وبعد الصفا الدنيا عليها عسامـي


ستة عشر خمسه توفـى وفقدنـاه=من عام واحد والثلاثيـن عامـي


عصرية الجمعه بساعـة مناجـاه=عساه بالفردوس باعلـى مقامـي


والدمع هل وكل جفن انتثـر مـاه=والجسم عيت لاتشيلـه عظامـي


والصدر ضاق وفجته زفـرة الأه=والقلب من فرقاك ياابـوي دامـي


والحزن لو ينشر على الكون غطاه=أثّـر بعبـدالله وشفتـه بـرامـي


وبانت على وجيه الرجاجيل سيماه=احساس واضح مايبي له كلامـي


وصبرت وأنا مفـوض الأمـر لله=أنه يصبرنـي ويجمـع حطامـي


والا نموت وشيخنـا مـا نسينـاه=اسما لمع في مفـردات الأسامـي


أبوي والله غير يبطي وانا انعـاه=عليه في صدري حداد الحسامـي


ويالله ياللي تفرج الكـرب يـاالله=تغفر لابوي ومن رحل من عمامي


يالله لعـل بجنـة الخلـد مـاواه=مع ثلة الأبـرار هـم والكرامـي


الشيخ مسعد كـل ماحـل ذكـراه=يكتب له التاريخ فعـلا عصامـي


عودابنى في صفحة المجد مبنـاه=شيخا عظيم من الشيوخ العظامـي


ريف الرفيق اللي بجاهه تنصـاه=يرويه لو انه من الضيـم ضامـي


له سيرة عطره على كل الأفـواه=بالدين والتقوى وطيـب المقامـي


وله ذكر طيب يبذل الجود والجـاه=حايز علـى التقديروالأحترامـي


وله حجة وقت الطلب والمداعـاه=يفلج بها الأخصام وقت الخصامي


قليل من يقـدر يسـوي سوايـاه=الله عطاه مـن المعـزه وسامـي


جعله مع الصديقين حلـه وملفـاه=هذا دعانا لـه بمسـك الختامـي


وصلاةربي عد وبل انسكب مـاه=على رسـول الله خيـر الأنامـي

[/poem]