هي ماتت الفزعه؟!

[وحيدة السعودية]

[poem=font="Simplified Arabic,5,black,normal,normal" bkcolor="burlywood" bkimage="http://www.alhejaz.net/vb/images/toolbox/backgrounds/2.gif" border="groove,4,darkred" type=2 line=0 align=center use=ex num="0,black"]
ماتت الفزعه

ياحيلة الله ما بالاجواد فزاع =
يفزع ليا صاحت من الناس حره
الصيحة اللي مزعت قلبي امزاع =
رددتها بالقاف مره ومره
هي ماتت الفزعات ياوال الافزاع =
يامحصيٍ ماكان لو قدر ذره
تفر قلب الادمي بين الاصباع=
وترد للقيعان نجم المجره
تسمع دبيب النمل والخلق هجاع =
وتحيي هشيمٍ ساف الارياح ذره
كم قد نصيت الناس من روس واتباع =
وانكفت في قلبي من الناس حَره
الناس ذا يشري وهذاك بيّاع =
ومن هو قصر خيره تلقاك شره
ماينفعك كود الذي ذاق الانفاع =
هذي بذيك وكرةٍ عقب كره
ذي سلة أوجاعي ولا سلة اوجاع =
المانع اللي ثوب الاحزان صره
امشي بهاالدنيا على ماض الاسناع =
وكم لطمةٍ جتني على حين غره
وانّوخ ركابي على جال مرباع =
في نجد واصبح في نواح المعّره
أجواد ياكثر الاجاويد بالقاع =
ياكثرهم وقت الرخا والمسره
واليا اختلف وقت الفتى بانت اطباع =
صار الحصيني ذيب لله دره
لله در اللي نصيته ولاطاع =
ولله در اللي عليه اتشّره
اللي ترجيته وفيه الرجا ضاع =
ماصب لي بالضيق فنجال مره
يافزعة الله مابالاجواد فزاع =
يفزع ليا صاحت من الناس حره

شعر وحيدة السعودية[/poem]