محاورة ليلة الجمعة 27-8-1429 بين عطيةالفدعاني ومحمدالفايدي وشتيوي الرفاعي ومحمدالريفي

[الريفي]

الاخوة الافاضل
يسعدني ويشرفني ان اطرح بين ايديكم هذه المحاورة التي دارت ليلة الجمعة الموافق 27-8-1429هـ بين عطية الله الفدعاني ومحمد عوده الفايدي من جهة وشتيوي عبدالله الرفاعي ومحمد جميل الريفي من جهة اخرى

[poem=font="Simplified Arabic,6,#000000,bold,normal" bkcolor="#DFFBFB" bkimage="" border="double,6,#1A1A02" type=0 line=0 align=center use=ex num="0,#400000"]
=عطية الله الفدعاني ومحمد الفايدي
لي حق مثل الذهب مطبوع = ماتخس وزنة موازينه
سوى عليه الخصم مشروع = يبغى يردّيه ويدينه

= شتيوي الرفاعي ومحمد الريفي
الحق في موقعه مرفوع = ماحد ينحيه ويشينه
وإن كان من خصمكم ممنوع = يمديك يالجهد تبينه

= عطية الله الفدعاني ومحمد الفايدي
الحق بالبينه مشفوع = ويثمنونه سلاطينه
واللي بسد الخفا مدفوع = له ناس توشيه وتعينه

= شتيوي الرفاعي ومحمد الريفي
مافالعند والجدل منفوع = الحق يبقى لتدوينه
من جانبك حدد الموضوع = واحكم لكم في مضامينه

= عطية الله الفدعاني ومحمد الفايدي
نبغى لشمس الحقيقة طلوع = في حق عندك براهينه
الظلم فالعالمين طبوع = والا فكلا حسب دينه

= شتيوي الرفاعي ومحمد الريفي
لو ماحصل فالموده صدوع = وكل شي ظلى في تكوينه
ماصار حبل الوسل مقطوع = وضاقت عليكم ميادينه

= عطية الله الفدعاني ومحمد الفايدي
مالي في راع الظلام طموع = ولااصدقه يوم واعينه
ابغى من اهل العداله فزوع = اللي لهم راي يازينه

= شتيوي الرفاعي ومحمد الريفي
تفرعت للحديث فروع = وردا بعد ورد في حينه
وماتنطفي للامال شموع = مادم دونه مودينه

= عطية الله الفدعاني ومحمد الفايدي
الحق له سيطره وخضوع = دايم له البينه زينه
لكن الذي صار شي يروع = عرافة الحق منحينه

= شتيوي الرفاعي ومحمد الريفي
فيكم عرفت الوفا مزروع = وفيهم عرفته وشارينه
واللي حصل من اسى وهزوع = يرجع في حكمه لقوانينه

= وياصحابنا سامحونا[/poem]