الابن : والله اليوم أخذت مخالفة سرعة من المرور ...........
الاب: تستأهل تسرع ليه .....انا من أول أقولك يا بني امشي على مهلك لا تسرع أنت ما تشوف الحوادث كم أخذت من الشباب ....نسيت.نسيت قبل اسبوع ولد جارنا الله يرحمه وحادثه الشنيع وسببه اايش السرعة ....
يحاول الابن اخذ الحديث :يا بوي والله ما ني مسرع .........
يقاطعه الاب : نعم ما انت مسرع !!!! طيب ليه أعطوك مخالفة يا فالح ؟!!
يا بوي : والله ظلم ما هو صحيح انا ما أتجاوزت الـ 120 كمان أسئل ولد عمي كان معاياه وانت تعرفه عاقل وتصدقه..
نعم اسأل ولد عمك ليه شايفني مغفل اصدق ولد عمك وكذب الحكومة !!!!!!!!!!
يا بوي والله العظيم لو انا مسرع أقول استأهل انا الي جيبته لنفسي لكن المصيبة ما ني مسرع حاولت افهم الجندي مدري العريف الي يكتب المخالفة قلت يابن الحلال ما ني مسرع !! ما رد علي جلست اكرر ياعمي والله ما وصلت 120 بعدين يأخي هذا طريق سريع ؟؟؟؟؟؟؟؟؟؟؟
اخذ يهمهم بعد ان خلص من كتابة المخالفة (يومنه طريق سريع تسرع لييييييييييييييييه وبعدين توكل على الله أحسن لك خليني اشوف الي بعدك ).
هذا احد المشاهد التي تتكرر عندما يخالف أبنائنا الشباب . لازم الخطأ نضعه عليهم خاصة في السرعة لاننا جبلنا على ان رجل المرور رجل صادق تهمه سلامتنا .
لكن الصحيح غير ذلك .
رجل المرور وإدارته اهتمامهم ينصب في غير سلامتنا كما كنا نظن ؟
مساء يوم الخميس كنت متوجها الى ينبع وقبل ان أصل كبري مخرج الرايس وفجأة داخل الكبري لاحظت سيارة المرور واقفة على طرف الطريق بشكل مخالف .وبعدها وجدت نقطة تفتيش واعتقد ان معظم عابري طريق ينبع جدة السريع يعرفون هذه النقطة (لانه ماشاء الله علينا طرقنا السريعة جده ينبع وينبع المدينة لاتجد عليها غير مركز او نقطة تفتيش يعني بعد كل مركز نقطه وبعد النقطه مركز تقول داخلين حدود دول !!!) قال الرخصة والاستمارة ووقف على جنب اذا سمحت .
المهم طلعت بشهادة مخالفة سرعه (145) .............الصحيح اكلت في نفسي الـ145 خليها 140 طيب 160 .....(حنبلي الأخ حق الناس للناس ان شاء الله ماشي ميه وكسور يكتب في المخالفة ميه وكسور ردارررررررر عندنا ما يعرف الكذب ).
والصدق انه لا يعرف الصدق ولم اصل هذا الحد من السرعة لا خوفا من المخالفة او غيرها ولكن تطبعت على السير المعتدل منذ عرفت قيادة السيارة .
شغل المرور هذا شغل تكسب وسحب ما في محافظ المواطنين بدون وجه حق خاصة في حالة تغطية ساهر للطريق .