اضع بين ايديكم هذه الابيات ارثي بها اخي الغالي ( الشاعر بخيت سعد العنيني) رحمه الله رحمة واسعة وجمعني وأياكم به في مستقر رحمته في جنات عدن مع الانبياء والشهداء والصالحين انه على ذلك لقدير وهو الغفور الرحيم






[poem=font="Simplified Arabic,6,#FF0F00,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
بخيت يوم انتهـى عمـرك=اصبحت من وحدتي منسي
من يوم ودعتـك بقبـرك=كأنـي مـودع لنفـسـي
القلب محروق من جمرك=يصبح على همك ويمسـي
اذكر براءتك في صغـرك=وابكي على يومي وأمسي
وأذكرك يوم اكتمل قـدرك=واقـول للهم وش ينسـي
عن غيبتك قابلـن عـذرك=عاسف لها فكري وحسـي
لكن قلـب الغـلا مـدرك=اني معـك دافنـن انسـي
ياليتنـي قـادر امــرك=واونسك وانت بالرمسـي
وانثر دموعي على صدرك=واختار نفسك على نفسـي
بخيـت ودعتنـا وامـرك=في يد من يطعـم ويكسـي
الله يرحـمـك ويـبـرك=في غاية الجـن والأنسـي
وعساه يجزاك فـي بـرك=باللي ليا غبـت ماترسـي
تدعي لـك الله مايضـرك=وتذكرك بفروضها الخمسي
[/poem]



بقلم محمد بن سعد العنيني