نقش بالمسند على تلعة حجازية ظمآى معشبة
لقاء عابر بالرمل ببنه البرازية في ذكرى غالية البقمية

[poem=font="Simplified Arabic,6,#0E0E02,bold,normal" bkcolor="0" bkimage="images/toolbox/backgrounds/27.gif" border="double,6,#197123" type=2 line=0 align=center use=sp num="0,0"]

ياسحابٍ مـن القبلـه بعينـي تزبّـر=منتوينـي بهملولـه وبيـدي رفــاع
امسح القاف عن عيني ترى القاف حبّر=والقصايـد منابثها ثلاثيـن بــاع
كل حرفٍ تعسجد فـي لهاتـي وتبّـر=مهجة الشمس من لونه كتبني شعـاع
بيـن إقبـال مفتـونٍ وظعـنٍ مدبّـر=خطوتينٍ ولـوج الهـم وأخـرى وداع
في سباريت سمر سفرها الودق خبّـر=حادي الهيم عن مكنون صفر الرقـاع
غاب صوتي حجازيا وهـو مـا تنبّـر=لو على خيمة الأنبـار مـال اليـراع
شربتي من لهاة القيـظ عـدا محثبـر=دوزنتني على الضيقه فجاجـا وسـاع
وكل رسما وقف بي دمع يـوم آتعبـر=في وجيه الحيارى دوّمت بـه سـراع
ريح شجو تهز الصبـح والليـل كبّـر=غيمة الحزن واطلق للنوارس شـراع
حالفه يا جوادي للـردى مـا آتغبـر=لو بذي مرخ من زغب الحواصل جياع
لأنثلم حد سيفـي حـد قلبـي تجبـر=يكتب المجد كتب الضيغمـي الشجـاع
والله إني لأوّردك الخبـر يـا المخبـر=لين تروي صميـل الحـق لأم القنـاع
شبوا السمر قافا عنـده السـدر خبّـر=في ضلوعي ومن الـذل ليـلا مشـاع
ثم شدوا وخلـوا نخلهـم مـا توبـر=من بعدهم تغاوى فيه عمـي الرعـاع
كن لجة مظاهيـر البـدو يـوم سبـر=بالسباريـت بيـنٍ مـا وراه اجتمـاع
ضول رهبان ديرٍ فوقـه الوبـل نبر=والنواقيس داعيهـا مـع الريـح داع
كل حيدٍ تلاهـم بـازرق الدمـع عبّـر=في كتاب الليالي ثم ضاعـوا وضـاع
أتوكـا علـى شيـحٍ وقـافٍ معنبـر=واتنفس غضى الساري وعزمي تـلاع
كحل عيني شموخ البيد والصبر صبّـر=في لهاتي وعنـدي للسوالـف متـاع
بعض سرحان عاش بهالخلا ما تعثبر=بالطويله وطمن فـي عـواه الضبـاع
ياسحابٍ مـن القبلـه بعينـي تزبّـر=ممتوينـي بهملولـه وبيـدي رفــاع
امسح القاف عن عيني ترى القاف حبّر=والقصايـد منابثها ثلاثيـن بــاع [/poem]

أجتهدت بأن أضعها بين أيديكم وقد يكون بها بعض الأخطاء
فإن وجدتم شيئا فنبهوني وسامحوني
بارك الله فيكم