قصيدة ذكريات عن كلية الملك فيصل الجوية

[صالح محسن الجهني]

قصيدة ذكريات عن كلية الملك فيصل الجوية

الافتتاح الرسمي لكلية الملك فيصل الجوية
في يوم الخميس 15 ربيع الأول 1390 هـ الموافق 20 مايو 1970م
على يد جلالة الملك فيصل بن عبدالعزيز يرحمه الله

ما تشوفني طالب ودربني العقيل = الله محلاها السنين الماضية
صقرن وعلمني أطول المستحيل = والله وفقني وطلت العالية
أيام ما تنسى وذكراها جميل = فيها عرفت أهل القلوب الناقية
في معقل الأبطال والصرح الطويل = كلية الفيصل وأغلى غالية
حبيتها للحب كم عندي دليل = قلبي ويكفيني شعار الوافية
أعطتني كل الحب والعلم الفضيل = اللي مثل طلع النخيل الحالية
وأعطيتها روحي ولا عندي بديل = يسقي عروق القلب مرة تالية
لأنها منهل ومعدنها نبيل = أوفى ومن كل النجوم السارية
دستورها التعليم والنهج الأصيل = والحب للدار العزيزة الغالية
كأنها زمزم وأعذب سلسبيل = نعمة عظيمة للوطن متنامية
على هدى الرحمن والله الوكيل = فيصل مؤسسها ونعمة جارية
للبيت والإسلام والسيف السليل = لله مجهود الصقور الصالية
رحمه على فيصل له الشكر الجزيل = يا طيب ذكراها السنين الخالية
والله يقدرنا على رد الجميل = للراية الخضراء العظيمة العالية
صالح محسن الجهني

ومن محاسن الصدف ولله الحمد والشكر أن يوافق تاريخ كتابتي لهذه القصيدة ونشرها في هذا اليوم 20 مايو 2016م تاريخ افتتاح كلية الملك فيصل الجوية 20 مايو 1970م