الله يبيض وجه ابو فايز عسى عمره طويل

[سعد الهلــــولي]

بعيدا عن الشعر لا شك ان هناك من الأشخاص من يستحقون التمجيد دون غيرهم لما يحملونه من صفات التمجيد
الأخ العزيز صالح فايز السناني شخص شاهدت فيه كل تلك الصفات
ولم اجد ما اعبر عن اعجابي بشخصه سوى بشي من الشعر مقرون بكثير من العذر عن التقصير
[poet font="Simplified Arabic,4,darkblue,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
الله يبيض وجه ابو فايز عسى عمره طويل = اللي طمح للطايله والطايله جته تعدي
جاته وقالت له انا من حظ كساب الجميل = ما يارد العليا على ماقيل غير الأجودي
وأنا اشهد ان الطايله دايم لأبو فايز مقيل = وصلها في قولته اهلا وتبشر يا بعدي
كفه يمد ولا يفكر بالكثير ولا القليل =عرفت انا من عرفتيله وصفة الكف الندي
ما اقول انا كفه ندي كفه نهر من سلسبيل = ماهي شهادة صاحبه حتى العدى له تشهدي
لو عارف ان ماله عدو الا ردي ولا هبيل =حاسد يضيق ان شاف ابو فايز ومركاه الجدي
عطر الخشوم بمجلسه ريحة شحم مع ريح هيل = ذكرني بريح الدسم في يوم تقديم الهدي
لا شفت جود أهل الجزيره قلت ما فيهم بخيل = وان شفت جوده قلت ثلثين البشر هاذي ردي
شاعر ولامنه تغنى بالمثايل ما يعيل = لو يسهل انا نقتديبه كلنا به نقتدي
تجي القوافي من فمه حلوه مثل طلع النخيل =ما كنه الا يقطف الأبيات من طلع الودي
مدحته ولاني مدور من ورى مدحه حصيل = ما غير ابااعطر بطرياه الكلام الأبجدي
ولو ما اعرف انه يستحق العز والمدح الجزيل = عز الله اني ما أتعب لساني ولا اتعب يدي
لكن اعرف انه هو زبون المدح كساب الجميل = اللي طمح للطايله والطايله جته تعدي
[/poet]