محاورة جديدة بين شعراء كبار

[أبو رامي]

هذه المحاورة تزخر بجمال ليس غريبا على شعراء كبار لهم وزنهم وقيمتهم في عالم الكسرة يكفي أن نذكر أسماءهم فقط لنتظر منهم الممتع والمفيد
هؤلاء الشعراء هم محمد راضي المرواني ومحمد عودة الفايدي من جهة وعطية الله الفدعاني وعبد الرحمن الفايدي من الجهة الأخرى
والمحاورة جرت بتاريخ 17/6/1428هـ
أقدمها لكم لتكتشفوا بأنفسكم جمال اللغة وروعة الأسلوب

المحاورة الأولى
**************.

[poem=font="Simplified Arabic,6,orange,bold,normal" bkcolor="indigo" bkimage="" border="none,4," type=0 line=0 align=center use=ex num="0,black"]
محمد راضي ومحمد عودة
حطت عليّ الظروف ظروف = مع الذي قبلها صفت
منها الأسى ينتشي وينوف = ولا قربّت بالفرح قفت
.
عطية الله وعبد الرحمن
يا ما ظروف الزمان تطوف = ما فيه واحد عنه عفت
دنياك يا صاحبي ماتروف= ماقد سمعنا قبل وفت
.
محمد راضي ومحمد عودة
نار الأسى بالفؤاد تحوف = في مزايده يوم ما خفت
والخافي أعظم من الموصوف= والعين بالنوم ما غفت
.
عطية الله وعبد الرحمن
وهاج نار الأسى معروف = وياما مدامع منه جفت
لو ما سبب خالف المألوف = فيها مواساتنا كفت
.
محمد راضي ومحمد عودة
أمواج تعصف بنا وتزوف =أخطارها بالخطر ضفت
نبغاك تسعى لنا وتشوف = بعد المخاطر بنا حفت
.
عطية الله وعبد الرحمن
ليت المقادير فيها سعوف = لا صابت المرء والتفت
والله ماارضى عليك جحوف = وأسعى معك وين ما لفت
.
وانكسر اللحن [/poem]

المحاورة الثانية
**************.
[poem=font="Simplified Arabic,6,orange,bold,normal" bkcolor="indigo" bkimage="" border="none,4," type=0 line=0 align=center use=ex num="0,black"]
.
عطية الله وعبد الرحمن
قصة عذابي مع التذكار = أتلف لي الروح واضناها
لا قادر أسدل عليها ستار= ولا قادر أرتاح وأسلاها
.
محمد راضي ومحمد عودة
اللي على الذاكره ما يدار = يبقى فالأعماق مرساها
ولا حي عن واقعه يختار = مهما السعاده تمناها
.
عطية الله وعبد الرحمن
يا ما سكبت الدموع أنهار= لااطفى وهجها ولا أطفاها
من نارها وقّدت بي نار = في عمق الأعماق محياها
.
محمد راضي ومحمد عودة
مهما حصل فالأمور وصار = واستعظمت نار تصلاها
خل السعو والعقل مظهار = وابحث عن حلول ترضاها
.
عطية الله وعبد الرحمن
سعيت وأسعى خفا وجهار = أبغى أنتهي من معاناها
لكنها في عند وإصرار = مع روح تسعى على إنهاها
.
محمد راضي ومحمد عودة
خلك على النايبه صبار = لو جاك ضعف الذي جاها
بكره تصير الكبار صغار = وتزين حاله تورّاها
.
عطية الله وعبد الرحمن
ويش ينقذ المرغم المحتار =ويعين روحه فبلواها
قدام يطول بها المشوار = اللي حرمها مصافاها
.
محمد راضي ومحمد عودة
تسليمك الحال للأفكار = روحك على نار خلاها
وعن اللظى واللهيب الحار = سعادة الروح تقواها

تمت
[/poem]