[poem=font="Simplified Arabic,5,green,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
رغم الألم الذي يسكنني عند العوده
لبعض القصائد .. الا أني أحاول جاهدا
تكثيف مشاركاتي هنا متمنيا أن تنال
الإعجاب الذي أصبو إليه دائما..

إن تركتيني جريح

خفّي الإحساس قلبي لاهرجتي لي يذوب=خافي الله يوم شِفت الطّيف حالي..مااصعَبَه
إن حَدَرتي نظرِتِك تَعّبني الرمش الهدوب=يرتِعِش جسمي تِقِل باقوى الخناجر تظرِبَه
وإن رفَعتي نظرتك سمّ الهوى بدمّي يجوب=إرتبَكت وطِحت من عنقٍ جدِيلِك متعِبَه
إن حكيتي يرقص المهموم في هرجِك طروب=وإن ضَحَكتي يِؤمن الغاوي يغيّر مَذهَبَه
لمّحَت لي وجنةٍ فيها سنا شمس الغروب=لو تبيّنها بليل , ادبَر وعوّد مَغرِبَه
إشتكى مسجونك اللي دون تهمه أو ذنوب=شاف برقٍ لاح مثل اللي سِمع به واطربَه
يم شِفته لاح ضيّعت الشمال من الجنوب=ماادري آنا بالرياض , أو وسط لندن أو ضِبَه
ينقلِب حزني فرح والهم يدبر للهروب=لانويت لديرة المحبوب آسوق المَركَبَه
أسعِفي قلبٍ جريح وتاه من طول الدروب=إن ترَكتيني جريح إنتي تَراك المذنِبَه
لاتكوني بالمشَاعر يوم سيطَرتي لعوب=يالغزال اللي على نَهب القلوب مدرّبَه
إعتذَر شِعري عِجِز عن وصف نهّاب القلوب=قال لي وَصفَك لَها قَصّر ( وبِلّه واشربَه)
قولي الأشعار فيني لو.. أمل شَوفِك كذوب= هاتي الأشعار لو قيل اعذب الشِعر اكذبَه

شاعرالغربه[/poem]