للإستمـــــــــاع إضغط هنا..


ياخيمة بالرمل تلعب بها الريح ..
في تل قفر معشب السفح خالي ..



فيها النفل والزهر والورد والشيح ..
والذيب يطرد جافلات الغزالي ..





والجمر له ولعه وللنجر تصريح ..
وتشوف زول مهيلات الدلالي ..



وأمشي بوسط الرمل وأقوم وأطيح ..
وودع الأحزان طول الليالي ..



وأكتب قصايد وأنشد الشعر وأصيح ..
وأنسى هموم القلب رايق و سالي ..



والطل فوق الزهر ينهل ويسيح ..
ويغرد القمري على رجم عالي ..



جات الظبى ولها مع الرمل تسطيح ..
تلعب معا بهمى الربوع التوالي ..




وقت السحر حانت صلاة وتسبيح ..
والجو صافي مثل نور الهلالي ..




أحب من قصر رفيع باتسليح ..
في وسط لندن غيمها سم حالي ..

وسلامتكم


القصيد للشاعر : الشيخ سلطان بن سحيم آل ثاني