[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
لو شاطي العيقه عن العين غايب=على نسيم الليل قلبي يجي له
واسمع صدى موجه على كل جانب=وصافي هواه يزورني وانتشي له
ياشاطي العيقه ترى القلب ذايب=في حبكم حب الخليل لخليله
مادام انا مالي مع الناس صاحب=لاضاقت الدنيا عليّ اشتكي له
وانت الصحيب اللي من الوقت شايب=مالي سواك ان ضقت جيت ارتجي له
ياشايباً مافيك ضعف ومتاعب=باقي على مرّ الدهور الطويله
اجيك وانا خاطري منك طايب=وخابراً ماتملك يديك حيله
اجيك اناجي موج شاطيك عاتب=على رفيقك وانت تدري بميله
رفيقك اللي شفت منه العجايب=كيف انت يالعيقه تحدّيت ويله
مقواه, وانت لقوّته منت حاسب=ولاتشتكي من كرّ يومه وليله
مركاضه اسرع من هبوب الهبايب=واليوم والليله ركابه وخيله
في ساعته ماوقّفت له عقارب=وليا انقلب تلقى الدقيقه جليله
له دورةٍ هي من كبار المصايب=وله دورةٍ له نعتبرها جميله
ياشاطي العيقه أنا انشدك جاوب=شاعرك وش ضرّ الزمن لو صفي له؟!
[/poet]