كلي وفا واشواق واخلاص وهيام..(نصّ جديد كتبته اليوم) ....شاعرالغربه

[صالح السناني]

[poet font="Simplified Arabic,5,black,normal,normal" bkcolor="transparent" bkimage="backgrounds/9.gif" border="none,4,gray" type=1 line=200% align=center use=ex length=0 char="" num="0,black" filter=""]
إليكم هذا النص ....مع كل احتراماتي
قصايدي ردي عليهم سلامي=وقولي لهم صالح سطَت فيه الاحلام
قولي لهم هذا بسيط وعِصامي=وللطيب في قلبه مداهيل وِخيام
يهوى البداوة والطبوع العِظامي=حتّى ولو عيّت تصافيه الايام
وصول مايرضى الموالي يضامي=لو القِريب ألدّ الاعداء والاخصام
إمّا ينود مشمّخات الغمامي=والاّ.. يحيد ..وعن مشاريبهن صام
قلبه كبير وبالعهود التِزامي=كله وفا واخلاص واشواق وهيام
صحيح فيه الجرح ينزف ودامي=لكن على الشدات يصبر وضرغام
قولي لهم شاعر ومرهف وضامي=دون الغلا مايقدر يعيش وينام
يعيش عصره في حضور.. ونظامي=يهوى الحياة بشرط مفهوم الاسلام
ولا يقبل الا بالحضور الأمامي=يبي مكانة بين الاجواد قدّام
قولي لهم نفسه قنوعه ..وسامي=ماهو من اللي غرّرت فيه الارقام
غريب في دنياه ماله مرامي=غير الخليل اللي ينسّيه الاسقام
حلوة نبا , زينة , رفيعة مقامي=رعبوبةٍ تشفي مجاريح الاعوام
لاجيت اكلّمها تحيّيّ كلامي=ولا غبت عنها يوم تشتاق لي عام
تقبل مفاهيمي وتروي غرامي=طموحها رجّال نشمي ومقدام
لها احترام وليّ منها احترامي= والله على ماقول شاهد وعلاّم

شاعرالغربه
[/poet]