لحن رائع
يجمع الشاعر / محمد عوده الفايدي
مع الشاعر / عطية الله عواد الفدعاني

[poem=font="Simplified Arabic,6,white,bold,italic" bkcolor="darkblue" bkimage="" border="none,4," type=0 line=0 align=center use=ex num="0,black"]

محمد عوده:
كلفت لجل الهوى مرسول = وطال المدى في مراسيلي
من يمهم ماوصل محصول = واعرف حصيلي وتحصيلي
عطية الله الفدعاني:
ماشوف خط الأمل مقفول = يامن عن الود تشكيلي
المرء عن رغبته مسئول = حسب اعتقادي وتحليلي
م.عوده:
مابان لي فالسبب مدلول = ويرتاح بالي ويصفيلي
لازال قلبي معه مشغول = اللي منه زاد تنكيلي
ع. الفدعاني :
عادات صبر المود يطول = ويطول به شرح تفصيلي
لأن خط الوصل مفصول = ويحتاج له خط توصيلي
م. عوده:
كل الوسايل بها مشمول = ودي وصبري وتأميلي
لكن تركني في حال ذهول = ماهو على بر مرسيلي
ع. الفدعاني :
مادمت وافي معه وكمول = وموقفك ضافي وتكميلي
راع الوفا له طريق وصول = ولا ابخسه في مكاييلي
واعلم ترى للعزول فصول = وياما لعب دور تمثيلي
يصول في مسرحه ويجول = في وجه زايف وتجميلي
[/poem]